प्रधानमन्त्री ओली केही दिन अस्पतालमै
प्रकाशित मिति : मंसिर १८, २०७६ बुधबार
प्रधानमन्त्री केपी शर्मा ओलीे केही दिन अस्पतालमै बसेर स्वास्थ्य लाभ गर्नुहुने भएको छ । महाराजगञ्जस्थित मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा उपचारत प्रधानमन्त्री केही दिन अस्पतालमै रहेर स्वास्थ्यलाभ गर्नुहुने उहाँका प्रेस सल्लाहकार सूर्य थापाले जानकारी दिनुभयो ।
प्रधानमन्त्रीको स्वास्थ्यमा उल्लेखनीय सुधार भएको र हाल चिकित्सकीय अवलोकनमा राखिएको अस्पतालले जनाएको छ । यही मङ्सिर १० गते प्रधानमन्त्री ओलीको एपेन्डिसाइटिसको शल्यक्रिया गरिएको थियो ।
यसअगाडि प्रधानमन्त्री ओलीलाई बालुवाटार निवासमा सारिने समाचारहरु आएका थिए । प्रधानमन्त्री आफैले निवासमा बसेर उपचार जारी राख्ने इच्छा व्यक्त गरेको जनाइएको थियो ।
तर चिकित्सकहरुको सुझाव पछि अन्तत अस्पतालमा नै उपचार गरिने भएको छ । ओलीको स्वास्थ्यअवस्थाबारे धेरै कुराहरु गोप्य राख्ने प्रयास गरिदै आएको छ ।
