न्युयोर्कको क्वीन्समा बास्केटबल खेलिरहेका बालकमाथि गोली प्रहार, घटनास्थलमा मृत्यु
प्रकाशित मिति : कार्तिक १०, २०७६ आईतबार
न्युयोर्कको क्वीन्स जमैकामा शनिबार राती बास्केटबल कोर्टमा १४ बर्षका बालकमाथि गोली प्रहार भएको छ । बालकको घटनास्थलमा नै मृत्यु भएको प्रहरीले जनाएको छ ।
क्वीन्स पब्लिक हाउजिङ कम्प्लेक्समा बालकमाथि गोली प्रहार भएको केहीबेरमा घटनास्थलमा प्रहरी पुगेको थियो । घाँटीमा गोली लागेका उनलाई जमैका अस्पतालले मृत घोषणा गरेको थियो ।
बालकलाई बन्दुकधारीले निशाना नबनाएपनि अरुलाई ताकेको गोली लागेको हुनसक्ने जनाइएको छ । बालक साथीहरुसँग बास्केटबल खेलिरहेका थिए ।
मृतकको नाम खुलाइएको छैन भने अहिलेसम्म कसैलाई पनि पक्राउ गरिएको छैन ।