पाकिस्तानमा शक्तिशाली भूकम्पको धक्का
प्रकाशित मिति : आश्विन ७, २०७६ मंगलबार
इस्लामाबाद / पाकिस्तान र भारतको सीमाक्षेत्रमा आज ५ दशमलब ८ म्याग्निच्युडको शक्तिशाली भूकम्प गएको छ ।
कश्मीर क्षेत्रमा यसको बढी प्रभाव परेको छ । भूकम्पले इस्लामाबाद, अजब, कश्मीर, पेशावर, रावलपिण्डी र लाहोरमा समेत ठूलो धक्का महसुश भएको छ । ८ देखि १० मिनेटसम्म हल्लाएको भूकम्पले भारतका समेत केही सहरमा असर पुगेको छ ।
भारतका गुजरात, चित्राल लगायत क्षेत्रमा यसको असर परेको छ । भूकम्पका कारण ठूलो हताहत भएको बताइएको छ । तर क्षतिको यकिन विवरण आइसकेको छैन । यद्यपि कतिपय सहरमा ठूला पक्की सडक समेत भत्किएका छन् । डन न्युजका अनुसार अहिले दुबै तर्फका सैनिक तथा सुरक्षाकर्मीहरु प्रभावित क्षेत्रमा उद्धारका लागि खटिएका छन् ।