तालिबानी नेता नूर अली अन्तर्राष्ट्रिय आतंकवादी हुन : अमेरिका
प्रकाशित मिति : भाद्र २७, २०७६ शुक्रबार
अमेरिकाले इस्लामिक लडाकु समूह तेहरिक-ए-तालिबान पाकिस्तानका लडाकु प्रमुख नूर अलीलाई अन्तर्राष्ट्रिय आतंकवादी घोषणा गरेको छ ।
अमेरिकाले अलीलाई टाउकोको मूल्य ५० लाख अमेरिकी डलर घोषणा गरेको छ । सन् २००७ गठन भएको तहरिक ए तालिबान (टिटिपी) पाकिस्तान सबैभन्दा खतरनाक उग्रवादी समूह बनेको छ । यसले पछिल्लो १२ वर्षमा सैयौ आतंकवादी आक्रमण गरेको छ । नुर अली यो समूहका नेता हुन् । उनको पुरा नाम मुफ्ती नुर अली मेहसुद हो ।
सन् २०१८ मा मुल्लाह फजलुल्लाहको मृत्युपछि तहरिक-ए-तालिबान पाकिस्तानले नुर अलीलाई आफ्नो प्रमुख बनाएको हो । ४० वर्षका उनले नोबेल पुरस्कार विजेता युवती मलाला युुसुफजाईको हत्या गर्न आदेश दिएको बताइन्छ । त्यसैगरी बेनजिर भुट्टोको हत्यामा पनि नुर अलीको हात रहेको विश्वास गरिन्छ ।