एक अमेरिकन दम्पतीको बैंक खातामा झुक्किएर १ लाख डलर


प्रकाशित मिति : भाद्र २५, २०७६ बुधबार

एजेन्सी /एक अमेरिकन दम्पतीको बैंक खातामा झुक्किएर १ लाख भन्दा बढी डलर जम्मा भयो । उनीहरुले ठूलौ रकम आएको देखेर विलासी सामान किन्नमा खर्च गरेपछि आपतमा परेका छन् ।

बिबिसीले जनाएअनुसार अमेरिकी नागरिक रोबर्ट र टिफनी विलीअम्जको खातामा गत मे ३१ मा बीबी एन्ड टी बैंकबाट झुक्किएर १ लाख २० हजार डलर जम्मा भएको थियो । सित्तैमा त्यति ठूलो रकम आएको देखेपछि विलीअम्ज दम्पतीले महँगो गाडी र अन्य विलासी सामग्री किनेर सो रकम खर्चिए । तर पछि बैंकले सम्पर्क गर्न खोज्दा भने उनीहरु सम्पर्कमा आएनन् ।

खातामा आएको रकम आफ्नो नभएको थाहा भएको जान्दाजान्दै पनि खर्च गरेकाले उनीहरु आपतमा परेका हुन् । प्रहरीका अनुसार उनीहरूलाई सो रकम चोरी गरेको र चोरीको सामग्री लिएको अभियोग लगाइएको छ । सोही अभियोगमा सोमबार उनीहरूलाई स्थानीय अदालतमा उपस्थित गराइएको थियो र अदालतको आदेशपछि धरौटीमा छुटेका छन् ।

सो रकम त्रुटि भएर उनीहरुको खातामा पुगेको पत्ता लागेपछि बैंकले सम्पर्क गर्दा टिफनीले आफूसँग पैसा बाँकी नभएको र सबै खर्च भइसकेको बताएकी थिइन् । उनका श्रीमान पनि बैंकमा उपस्थित हुन गएनन् । जुन २० मा नै त्रुटि पत्ता लागे पनि त्यति बेलासम्म खाताबाट अधिकांश रकम निकालिसकिएको थियो । अदालतमा मुद्दा खेपिरहेका यी दम्पतीले अब जसरी पनि उक्त रकम फिर्ता गर्नुपर्ने भएकाे छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com