विमानस्थलमा श्रीमतिलाई बिदाई गर्नका लागि टिकट किनेका व्यक्ति पक्राउ
प्रकाशित मिति : भाद्र १७, २०७६ मंगलबार
श्रीमतिलाई विमानस्थलको गेटमै पुगेर बिदाई गर्नका लागि टिकट किनेका एकजना व्यक्तिलाई प्रहरीले पक्राउ गरेको छ । सिंगापुरको चांगी विमानस्थलमा गेटसम्मै पुगेर श्रीमतिलाई बिदाई गरेका व्यक्तिलाई बोर्डिङ पासको दुरुपयोग गरेको भन्दै पक्राउ गरिएको हो ।
चांगी विमानस्थलमा उडानको आशय विना नै गेटक्षेत्रमा प्रवेश गर्ने व्यक्तिलाई त्यहाँको कानुन अनुशार २ बर्षसम्म कैद वा २० हजार सिंगापुर डलरसम्म जरिवानाको व्यवस्था रहेको छ । बोर्डिङ पास विना प्रवेश गर्न नमिल्ने ट्रान्जिट क्षेत्रलाई संरक्षित क्षेत्रका रुपमा लिइन्छ ।
सन् २०१९ मा यो कानुन लागु भएयताको ८ महिनामा उडानको आशय विना नै उक्त क्षेत्रमा प्रवेश गर्ने ३३ जनालाई पक्राउ गरिसकिएको छ । यसपटक पक्राउ परेका २७ बर्षका युवा पनि सिंगापुरबाट उड्ने कुनै योजना नभई बिसुद्ध श्रीमतिलाई बिदाई गर्न पुगेको प्रहरीले जनाएको छ ।
सिंगापुरको विमानस्थल आकर्षक रहेकाले कैयन व्यक्तिले त्यहाँभित्र छिर्नकै लागिमात्र पनि सस्तो टिकट लिने गरेका छन् । विमानस्थलभित्रको सपिंग मलमा जानका लागि सस्तो टिकट किनेका एकजोडी पनि हालै पक्राउ परेका थिए । उनीहरुले त्यहाँ आईफोन किनेका थिए ।