रुढीवाद, प्रगतिवाददेखि नित्सेको नैतिकताका पुस्तक लेखेका पिटर अमेरिकी विदेशमन्त्रालयको उच्चपदमा
प्रकाशित मिति : भाद्र ९, २०७६ सोमबार
अमेरिकी विदेशमन्त्रालयले सोमबार नयाँ नीति योजना प्रमुखको घोषणा गरेको छ । राजनीतिक वैज्ञानिकका रुपमा परिचित पिटर बर्कोइजलाई अमेरिकी विदेश नीतिको दीर्घकालिन योजना बनाउने पद सुम्पिएको हो ।
किरोन स्कीनोरलाई बिस्थापित गर्दै पिटरले उक्त पद लिएका हुन् । गत महिना उनको व्यवस्थापकीय शैलीबारे विवाद भएपछि स्कीनोरलाई बरखास्त गरिएको थियो ।
दर्शन सम्बन्धि चारवटा पुस्तकका लेखक पिटरले थिंक ट्यांकहरुको नीति योजना विभागको नेतृत्वमा आएपछि यसलाई चासोका रुपमा हेरिएको छ । पिटरले लेखेका पुस्तकमा रुढीवाद र प्रगतिवाददेखि लिएर नित्सेको नैतिकता सम्मका विषयहरु समेटिएका छन् ।