अमेरिकाका हवाई उडानमा म्याकबुक प्रतिबन्ध
प्रकाशित मिति : श्रावण ३२, २०७६ शनिबार
अमेरिकामा हवाई उडानमा एप्पलको उत्पादन म्याकबुक प्रोमा प्रतिबन्ध लगाइएको छ । केही निश्चित प्रकारका म्याकबुक प्रोमा प्रतिबन्ध लगाइएको हो ।
अमेरिकाको संघीय उडान प्रशासनले यस्तो प्रतिबन्ध लगाएको हो । अधिक तापमानमा बिष्फोट हुनसक्ने एप्पलका ल्यापटपमा प्रतिबन्ध लगाइएपछि झण्डै साढे ४ लाख प्रयोगकर्ताहरु प्रभावित हुने जनाइएको छ ।
खासगरी सन् २०१५ को सेप्टेम्बरदेखि सन् २०१७ को फरबरीसम्म बिक्रि गरिएको १५ इन्चका म्याकबुक प्रो उक्त नियमबाट प्रभावित हुनसक्नेछन् । तपाईको म्याकबुक प्रोमा प्रतिबन्ध लागे नलागेको चेक गर्न यहाँ क्लिक गरेर आफ्नो सिरियल नम्बर हाल्नुहोला ।
ह्याण्डक्यारी र चेक इन दुईवटै झोलामा त्यस्तो ल्यापटप बोक्न नपाइने भएको छ । अन्तर्राष्ट्रिय उडानमा अहिलेसम्म यस्तो प्रतिबन्ध नलगाइएपनि बिष्फोटका खतराका कारण निकट भविश्यमा त्यस्तो प्रतिबन्ध लाग्नसक्ने जनाइएको छ ।