विहिबार काठमाडौं लगायत विश्वभरका अमेरिकी दूतावासमा आधाझण्डा झुकाइने
प्रकाशित मिति : श्रावण २०, २०७६ सोमबार
अमेरिकाको टेक्सास र ओहायोमा १४ घण्टाको बीचमा भएका दुई नरसंहारमा ३० जना मारिएको शोकमा बिहिबार काठमाडौं लगायत विश्वभरका अमेरिकी दूतावास र कन्सुलेट कार्यालयहरुमा अमेरिकाको झण्डा आधा झुकाइने भएको छ । आगामी अगस्त ८ बिहिबार सूर्यास्तसम्म झण्डा झुकाइने जनाइएको छ ।
शनिबार टेक्सासमा २० जनाको ज्यान जानेगरी गोली चलाइएको १४ घण्टा नबित्दै ओहायोमा गोली चलाउँदा ९ जनाको मृत्यु भएको थियो । प्रहरीको जवाफी कारवाहीमा ओहायोमा बन्दुकधारीको समेत मृत्यु भएको थियो ।
ओहायोमा गोली चलाउने व्यक्ति २१ बर्षको श्वेत अमेरिकी प्याट्रिक कुरेसिसलार्ई हिराशतमा लिइएको प्रहरीले जनाएको छ । घटनामा मारिने र घाइते हुनेहरुमा मेक्सिकनहरु उल्लेख्य रहेका थिए ।
