Follow @khasokhasmag

एक युवाले ९ मिलियन डलरदिने लोभ देखाएपछि ५ जना टिनएजर मिलेर गरे ‘बेष्ट फ्रेण्ड’को हत्या


प्रकाशित मिति : असार ३, २०७६ मंगलबार

जब अनलाइनमा भेटिएका एकजना पुरुषले कुनै पनि व्यक्तिको हत्या गरेको भिडियो पठाएमा ९ मिलियन डलर दिने लोभ देखाए, डेनाली ब्रेमरले आफ्नो बेष्ट फ्रेण्डलाई कसरी मार्ने भनेर योजना बनाउन सुरु गरेकी थिइन् ।

अस्लास्का डिपार्टमेन्ट अफ लका अनुशार अलास्का निवासी १८ बर्षीय डेनालीले इन्डियाना निवासी २१ बर्षीय डेरिन शिलमिलरसँग अनलाइनमा सम्बन्ध बढाउदै गएपछि डेरिनले हत्याको भिडियो र तस्वीर पठाएपछि ९ मिलियन डलर दिने लालच देखाएका थिए । डेरिनले आफू मिलेनियर भएको र आफ्नो नाम ‘टेलर’ रहेको बताएका थिए ।

त्यसपछि डेनाली र डेरिनले अलास्कामा कसैलाई बलात्कार र हत्या गर्ने योजनाबारे छलफल गरेका थिए । त्यसपछि उनीहरु १९ बर्षीय सिन्थिया होफम्यानको हत्या गर्ने निष्कर्षमा पुगेका थिए, जो डेनालीकी बेष्ट फ्रेण्ड थिइन् ।

योजना अनुरुप गत जुन २ मा सिन्थिया होफम्यानलाई टाउको र मुखमा डकटेपले बेरेर पछाडिबाट गोली हानी खोलामा खसालिएको थियो । उनको शव प्रहरी जुन ४ मा खोलामा भेटाएको थियो । सिन्थिया होफम्यानलाई ट्रकमा राखेर थण्डरबर्ड झरनानेर लगिएको थियो । त्यसपछि केडेनले पछाडिबाट गोली हानेका थिए । फोन रेकर्ड अनुशार त्यसको भिडियो मुख्य योजनाकार डेरिनलाई पठाउन खोजिएको थियो ।

डेनाली ब्रेमरले सिन्थियाको हत्याको लागि १६ बर्षका केडेन र १९ बर्षका क्यालेबका साथमा २ जना नाबालाकहरुलाई समेत प्रयोग गरेकी थिइन् । डेनालीले उनीहरुलाई मोटो रकम दिने लोभ देखाएर हत्यामा संलग्न गराएकी थिइन् ।

प्रहरीले ९ मिलियन डलरको लालच देखाएर हत्याको मुख्या योजना बनाउने २१ बर्षीय डेरिन शिलमिलरलाई संघीय हिराशतमा लिएको छ । उनीबिरुद्ध चाइल्ड प्रोनोग्राफीको समेत अभियोग रहेको छ ।

शिलमिलरले डेनाली ब्रेमरलाई ८ वा ९ बर्षको बालकसँग यौन दुब्र्यबहारका लागि समेत निर्देशन दिएका थिए । त्यस्तै अर्को १५ बर्षको बालकसँग यौन दुब्र्यबहार गरेर त्यसको भिडियो पठाउन समेत शिलमिलरले डेनाली ब्रेमरलाई निर्देशन दिएको जनाइएको छ । त्यसपछि डेनालीले १५ बर्षकोसँग यौनसम्पर्कको भिडियो बनाएकी थिइन् ।

ग्राण्ड जुरीले हत्यामा संलग्न ६ जनालाई नै फस्ट डिग्री हत्याको अभियोग लगाएको छ । १६ बर्षीय केडेनलाई पनि बयस्क सरह नै अभियोग लगाइएको छ भने अरु २ जना नाबालक अभियुक्तहरुलाई पनि हिराशतमा नै राखिएको छ । निर्देशन दिने व्यक्ति बाहेक घटनामा संलग्नहरु सबैजना टीनएजरहरु रहेको जनाइएको छ ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com