क्यालिफोर्नियाको स्टोरमा गोली चल्यो, कम्तीमा १ को मृत्यु, २ घाइते
प्रकाशित मिति : जेष्ठ ३२, २०७६ शनिबार
शुक्रबार बेलुका क्यालिफोर्नियाको एउटा होलसेल बजारमा बन्दुकधारीले गोली चलाउँदा एकजनाको मृत्यु भएको छ भने २ जना घाइते भएका छन् । दक्षिणी क्यालिफोर्नियामा भएको उक्त घटनामा संलग्न बन्दुकधारीलाई प्रहरीले नियन्त्रणमा लिएको छ ।
स्टोरभित्र भएको विवादपछि गोली चलेको जनाइएको छ । तर गोली चलाउने र मृतकको सम्बन्धबारे केही जानकारी प्राप्त भएको छैन । घटना घरायासी विवादका कारण भने नभएको जनाइएको छ ।
घटनामा अर्कै विभागका ड्युटीमा नरहेका प्रहरी अधिकारी समेत घाइते भएको जनाइएको छ । संदिग्ध बन्दुकधारी र अरु घाइतेहरुलाई उपचारका लागि अस्पतालमा लगिएको छ ।
घटनामा भाग्न खोज्दा स्टोरमा रहेका अरु व्यक्तिपनि घाइते भएको जनाइएको छ । गोली चलेपछि उनीहरु आपतकालिन ढोकाबाट भाग्न खोजेका थिए । तर आपतकालिन ढोका नखोलिएपछि भाग्न खोजेका व्यक्तिहरु एकअर्कामाथि लडेका थिए । घटना बेलुका पौने ८ बजे भएको जनाइएको छ ।