तेल ट्यांकरमाथि आक्रम, जिम्मेवार इरान : अमेरिका - KHASOKHAS

तेल ट्यांकरमाथि आक्रम, जिम्मेवार इरान : अमेरिका

ओमानको खाडीमा तेलका दुई ट्यांकरमाथि आक्रमण भएको छ । अमेरिकाले भने इरानले साे आक्रमण गरेको जनाएको छ । आक्रमणपछि खाडी क्षेत्रमा तनाव बढेको छ । अमेरिकी विदेश मन्त्री माइक पोम्पेओले ओमान खाडी तेलका दुई ट्यांकरमा भएको आक्रमणमा इरान जिम्मेवार रहेको प्रष्ट आरोप लगाएका छन् ।

तेलका दुई ठूला समुद्री ट्यांकरमा स्थानीय समय अनुसार बिहीबार बिहान बिस्फोट भएको हो । इरानले आरोपलाई अस्वीकार गरेको छ । जापानको कोकुका करेजिएस र नर्वेको फ्रन्ट अल्टाएयरको पानीजहाजमा बिस्फोट भएको हो ।

घटना लगत्तै ट्यांकरमा रहेको चालक दलका सदस्यको उद्धार गरिएको थियो । इरान र अमेरिकाले दुवै उद्धार आफूहरुले गरेको दाबी गरेका छन् । कोकुकामा रहेका २१ र फ्रन्टमा रहेका २३ चालक दलका सदस्यहरुको उद्धार गरिएको हो । विश्वको सबैभन्दा ठूलो तेल मार्गमा महिना दिन भित्र भएको यो दोस्रो आक्रमण हो ।

यसअघि संयुक्त अरब इमिरेट्सका चार ट्यांकरमाथि आक्रमण भएको थियो । मेरिकाले त्यो बेला पनि इरानमाथि आरोप लगाएको थियो र इरानले अस्वीकार गरेको थियो । बिहीबारको घटनापछि तेलको मूल्य चार प्रतिशत भन्दा बढीले बढेको छ । एजेन्सी 

शुक्रबार, जेष्ठ ३१, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com