Follow @khasokhasmag

अमेरिकी राष्ट्रपति ट्रम्प बेलायतमा, महारानीबाट स्वागत


प्रकाशित मिति : जेष्ठ २०, २०७६ सोमबार

अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्पलाई बेलायतकी महारानीबाट दरबारमा स्वागत गरिएको छ । ट्रम्पको तीनदिने बेलायत भ्रमणको पहिलो दिन महारानीसँग नीजि भोजनको निम्ता दिइएको थियो । स्वागत समारोह र निजी भोजनका लागि ट्रम्प दम्पत्ति बकिंघम दरबार पुगेका थिए ।

बेलायतमा आउनुभन्दा केही मिनेट पहिले ट्रम्पले ट्वीटरमार्फत लण्डनका मेयर शादिक खानको आलोचना गरेका थिए । मेयर ट्रम्पलाई बेलायतमा रेड कार्पेट ओछ्याएर स्वागत गर्न नहुने बताएका थिए ।

सोमबार विहान ट्रम्प दम्पत्ति एयर फोर्स वानमार्फत लण्डन पुगेपछि बेलायतका लागि अमेरिकी राजदूतको निवासमा गएका थिए । त्यसपछि उनीहरु सिधै बकिंघम दरबार गएका हुन् । ट्रम्पको तीनदिने बेलायत भ्रमणका क्रममा ट्रम्पविरोधी प्रदर्शनहरुको समेत आयोजना गरिएको छ ।

ट्रम्पले मंगलबार पद छाड्दै गरेकी बेलायती प्रधानमन्त्री टरिजा मेलाई पनि भेट्ने कार्यक्रम रहेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com