अमेरिकाको भर्जिनियामा गोली चलाईदा १२ को मृत्यु, गोली चलाउने व्यक्ति असन्तुष्ट कर्मचारी


प्रकाशित मिति : जेष्ठ १७, २०७६ शुक्रबार

अमेरिकाको भर्जिनिया बिच सिटी भवनमा बन्दुकधारीले गोली चलाउँदा कम्तीमा १२ जनाको मृत्यु भएको छ । घटनामा ६ जना घाइते भएका छन् । बन्दुकधारी एकजना असन्तुष्ट कर्मचारी रहेको खुलासा भएको छ ।

प्रहरीसँगको भिडन्तमा बन्दुकधारीको मृत्यु भएको छ । महानगरको सरकारी भवनमा दिउसो ४ बजेतिर अन्धाधुन्द गोली चलाइएको थियो । बन्दुकधारीले प्रहरीमाथिपनि गोली चलाएको थियो । तर प्रहरीले गोली प्रतिरोधक भेष्ट लगाएका कारण जोगिएका थिए ।

प्रहरीले घटनास्थलबाट पेस्तोल र राइफल बरामद गरेको छ । यी हतियारहरु बन्दुकधारीले प्रयोग गरेको विश्वास गरिएको छ । शुक्रबारको घटनामा अमेरिकामा नोभेम्बर यताकै ठूलो घटना रहेको जनाइएको छ । गत नोभेम्बरमा क्यालिफोर्नियामा भएको यस्तै घटनामा १२ जना मारिएका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com