अष्ट्रेलियामा गाडीमा कम्बल मुनि बच्चाहरु राखेर हिंडेका व्यक्तिलाई ३३ डिमेरिट पोइन्ट्स
प्रकाशित मिति : बैशाख १७, २०७६ मंगलबार
अष्ट्रेलियामा सडक नियममा कडाइ हुन थालेको छ । गाडी चलाइरहेको समयमा मोबाइल समाएका देखि सिट बेल्ट नलगाएका या बच्चालाई गलत सिटमा राख्नेहरु समेत कारबाहीमा परिरहेका छन् ।
सिड्नीको दक्षिण पश्चिमको केवल टाउनमा पांच जना बच्चा लिएर हिडेको एक गाडी कारबाहीमा परेको छ । गाडी चलाइरहेका ३८ वर्षीय ती व्यक्तिलाई कारबाही स्वरुप ३३ डिमेरिट पोइन्ट्स दिइएको छ ।
उक्त गाडीमा ११ वर्षिया एक बालिकाले सिट बेल्ट बाँधेकी थिइनन् । तीन वर्षको एउटा बच्चा बेबी सिटमा थियो, तर उसले पनि सिट बेल्ट बाँधेको थिएन । त्यस्तै गाडीको पछाडीको भागमा तीन बच्चा कम्बल मुनी लुकेर बसेका थिए ।