अष्ट्रेलियामा गाडीको झ्याल बाहिर हात ल्याउनेलाई ३ सय डलरसम्म जरिवाना
प्रकाशित मिति : चैत्र १९, २०७५ मंगलबार
गाडी चलिरहेको समयमा गाडीको झ्याल-ढोका बाहिरबाट हात निकाल्नु, टाउको निकाल्नु जस्ता क्रियाकलाप खतरनाक हुन्छन् । गाडी चलिरहेको समयमा त्यसो गर्दा हात नै काटिने, टाउको काटिने सम्मको अवस्था समेत आउन सक्छ ।
यो खतरालाई ध्यानमा राखेर अष्ट्रेलियन सरकारले गाडीको झ्यालबाट शरीरको भाग बाहिर ल्याउने कारलाई रोक्न कडा नियम बनाएको छ । उक्त नियम अनुसार, हात अथवा टाउको गाडीको झ्याल-ढोका बाहिर ल्याउनेलाई न्यु साउथ व्ह्लेसमा ३ सय ३७ डलर जरिवाना हुन्छ । त्यस्तै क्विन्सल्याण्डमा २ सय ९८, भिक्टोरियामा १ सय ४१, साउथ अष्ट्रेलियामा २ सय ४४, वेस्ट अष्ट्रेलियामा ५० डलर जरिवाना लाग्छ ।
यो जरिवानासंगै तीन पोइन्ट समेत काटिन्छ । यो कानुन ड्राइभर र यात्रु दुवैको लागि लागु छ ।