साउदी राजकुमारलाइ विमानस्थलमै अंगालो हाले मोदीले, भारत र पाकिस्तान विचको तनाव कम गर्ने


प्रकाशित मिति : फाल्गुन ८, २०७५ बुधबार

पाकिस्तानको भ्रमण सकेलगत्तै साउदी अरेबियाका राजकुमार मोहम्मद बिन सलमान भारत भ्रमणका पुगेका छन् । मं‌गलबार राति भारत पुग्नेबित्तिकै प्रधानमन्त्री नरेन्द्र मोदीले प्रोटोकल तोड्दै पालम विमानस्थलमा स्वागत गरे ।

राजकुमार सलमान जहाजबाट ओर्लिनेबित्तिकै मोदीले अंगालो हालेर उनको स्वागत गरे । मोदीले सलमानलाई विमानस्थलमै पुगेर स्वागत गरेपछि भारतको प्रमुख प्रतिपक्षी दल कांग्रेसले भने पोर्टोकल तोडेको भन्दै चर्को आलोचना गरेको छ ।

विमानस्थलमा अंगालो हालेका मोदीले त्यसपछि बुधवार राष्ट्रपति भवनमा औपचारिक स्वागतका क्रममा फेरि पनि अंगालो हाल्न भ्याए । मोदीको यो क्रियाकलापलाई कांग्रेसका प्रवक्ता रणदीप सुरजेवालाले पाकिस्तानलाई सहयोग गरिरहेको साउदीका राजकुमारको स्वागतमा मोदीले सबै किसिमका मर्यादा तोडेको भन्दै कटाक्ष गरेका छन् ।

‘राष्ट्रहितका लागि अंगालो हाल्ने मोदीको नीति : जुन साउदी अरेबियाले पाकिस्तानलाई २० अर्ब डलर दिँदै प्रशंसा गरेको छ, उसैका लागि प्रधानमन्त्री नरेन्द्र मोदीले पोर्टोकल तोडे । के पुलवामाका सहिदहरुलाई सम्झिने तरिका यही हो ?’, ट्विट गर्दै सुरेजावालाले भनेका छन् ।

भारत आउनुअघि साउदी राजकुमारले पाकिस्तानको भ्रमण गरेका थिए । जहाँ उनले पाकिस्तानको प्रशंसा गर्दै २० अर्ब डलर सहयोग घोषणा गरे । यसका अलावा उनले आफूलाई साउदी अरेबियामा आफू पाकिस्तानको ब्रान्ड एम्बेसडर रहेको पनि घोषणा गरे ।

भारत–पाकिस्तान तनाव कम गर्ने साउदीको प्रयास

साउदी अरबका क्राउन प्रिन्स मोहम्मद बिन सलमानले भारत र पाकिस्तानबीच तनाव कम गर्ने प्रयास गर्ने बताएका छन् ।

मोहम्मद बिल सलमान मंगलबारदेखि भारत भ्रमणमा छन् । त्यसअघि उनी पाकिस्तान पुगेका थिए ।

कश्मीरको पुलवामा जिल्लामा भएको चरमपन्थी आक्रमणलाई लिएर भारत र पाकिस्तानबीच तनाव बढ्दो छ ।

४० जनाको मृत्यु हुने गरी भएको यो घटनामा भारतले पाकिस्तानलाई दोषी ठहराएको छ भने पाकिस्तानले भारतले सैन्य आक्रमण गरे जवाफ दिने चेतावनी दिएको छ ।

साउदी अबरका विदेशमन्त्री आदिल अल जुबैरले भनेका छन् कि साउदी अरबको उद्देश्य दुबै छिमेकी देशबीच तनाव कम गर्ने प्रयास गर्ने र मदभेद शान्तिपूर्ण तरिकाबाट हल गर्ने बाटो खोज्ने हो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com