सुपरमार्केटमा दुःखी महिलाको बिल तिरिदिने क्याशियरले बदलामा पाए यति ठूलो खुसी - KHASOKHAS

सुपरमार्केटमा दुःखी महिलाको बिल तिरिदिने क्याशियरले बदलामा पाए यति ठूलो खुसी

केही हप्ताअघि अमेरिकाको टेक्सासको एक सुपरमार्केटमा काम गर्ने एक जना क्याशियरको दयालुपनाको घटना निकै भाइरल भएको थियो । जोन लोपेज जुनियर ामका ती १९ वर्षका क्याशियरले आर्थिक अभावले घरका अत्यन्तै जरुरी सामान किन्न नसकेकी एक महिलाको बिल तिरिदिएका थिए । ती महिलाको बिल ११० डलरको थियो र उनीसँग त्यति पैसा थिएन । जोन लोपेजले आफूले कलेज फी तिर्नको लागि जम्मा गरेको पैसाबाट ती महिलाको बिल तिरिदिएका थिए ।

जोनको दयालुपनाको यो घटनाको प्रत्यक्षदर्शी थिइन् स्थानीय महिला लेसी सिम्स । लेसीले जोनको यो उदारताबारे फेसबुकमा लेखेकी थियन् । लेसीको यो पोस्ट निकै भाइरल भएको थियो र मानिसहरुले जोनको उदारताको निकै प्रशंशा गरेका थिए । लेसीको पोस्ट पढेर मानिसहरुले थाहा पाए कि जोनले आफ्नो पढाइको लागि यति बडा मेहनत गरिरहेका छन् र यसरी जम्मा भएको पैसा समेत परोपकारमा खर्च गर्छन् । धेरैले जोनलाई समेत सहयोग गर्नुपर्ने प्रतिक्रिया दिए । यत्तिकैमा टेक्सासकै एक व्यक्ति ब्रेन्डन वेडलले भने जोनलाई सहयोग गर्ने अभियान सुरु गरे । ब्रेन्डनले जोनलाई सुपरमार्केटमा धेरै पटक भेटेका थिए र उनी पहिल्यै जोनबाट प्रभावित थिए ।

ब्रेन्डनले ‘गोफण्डमी’मा ब्रेण्डनको लागि सहयोग जुटाउनको लागि एउटा ‘फण्डराइजिङ’ पेज खोले । ब्रेण्डनले सहयोगको सुरुवात आफैंबाट गरे र सुरुमा जोनको लागि १०० डलर सहयोग गरे । उनले जोनले ती महिलालाई गरेको सहयोग सानो नभएको बताउँदै जोनले केही पनि नसोधी सफा मनले सहयोग गर्नुले उनको महानता झल्काउने उल्लेख गर्दै स्थानीय समुदायलाई पनि जोनलाई सहयोग गर्न आह्वान गरे । उनले लेखे ‘हामी सबैको सहयोगले जोनले आफ्नो पढाइ खर्च जुटाउन सके भने उनले भोलिका दिनमा यस्ता महान कामहरु अझै धेरै गर्न सक्नेछन् ।’ ब्रेन्डनको आह्वानपछि स्थानीय समुदाय जोनलाई आर्थिक सहयोग गर्न जुट्यो । उनको ‘गोफण्डमी’ पेजमा अहिलेसम्म ११३६ जनाबाट ३७ हजार ८७ डलर जम्मा भइसकेको छ ।

मङ्लबार, माघ २९, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com