हिमपातका कारण वासिंटनमा संकटकालको घोषणा
प्रकाशित मिति : माघ २६, २०७५ शनिबार
अमेरिकाको वासिंटन राज्य हिमपातको चपेटामा परेपछि त्यहाँका गभर्नरले राज्यमा संकटकालको घोषणा गरेका छन् । गभर्नर जय इन्स्लीले राज्यमा संकटकालको घोषणा गरेका हुन् ।
राज्यमा रहेका सबैजना सुरक्षित रहनुपर्ने र हिमपातमा ध्यान दिनुपर्ने गभर्नरले बताएका छन् । वासिंटन राज्यमा यो सप्ताहन्तभर हिमपात हुने अनुमान गरिएको छ ।
साताको दोश्रो ठूलो हिमपातमा शियाटल क्षेत्रमा ८ इन्चसम्म हिमपात हुने अनुमान गरिएको छ । शनिबार विहानसम्म नै हिमपात हुने अपेक्षा गरिएको छ । हिमपातबाट पोर्टल्याण्ड लगायतका क्षेत्रहरु पनि प्रभावित हुनेछन् ।