अष्ट्रेलियामा यो वर्ष कम दक्षता र कमजोर अंग्रेजी भएकाहरुलाई पनि पीआरको अवसर
प्रकाशित मिति : माघ १५, २०७५ मंगलबार
अष्ट्रेलियामा बसाईसराई गरि आउने विदेशीहरुको संख्या बढिरहेको छ। तर, बसाइसराई गरेर आउने तथा पढाइको लागि आउने अधिकांश सहरी क्षेत्रमै ‘सेटल’ हुन्छन् । त्यसैले अष्ट्रेलियाको सहरी क्षेत्रमा जनसंख्या तिव्र रुपले बढिरहेको छ भने रिजनल क्षेत्रमा व्यवसायीहरुले कामदार नपाएको गुनासो गरिरहेका छन् ।
अष्ट्रेलिया सरकारले रिजनल क्षेत्रमा उद्योग व्यवसायको विस्तार गरि त्यहाँको जनसंख्या संगै अर्थतन्त्रमा वृद्धि गर्न नयाँ भिसा योजना लागु गर्ने भएको छ । Designated Area Migration Agreements अन्तर्गतको उक्त भिसा सुरुमा नर्थन टेरीटरी र भिक्टोरियाको ग्रेट साउथर्न कोस्टमा लागु हुनेछ । यो भिसा सम्बन्ध सम्बन्धि सम्झौता अरु रिजनल क्षेत्रसंग पनि गरिने इमिग्रेसन मन्त्री डेभिड कोलम्यानले जनाएका छन् ।
पीआरको लागि पाथवेको रुपमा लिइएको उक्त भिसामा पेशागत सिप र अंग्रेजी भाषामा समेत कम दक्षता सहितको मापदण्ड रहनेछ । रिजनल क्षेत्रमा कृषि सम्बन्धि कामदारको उच्च माग रहेकोले यस योजना अन्तर्गत सुरुमा कृषि भिसालाई प्राथमिकतामा राखिएको छ ।