१८९ जनाको ज्यान जानेगरी दुर्घटना भएको विमानको भ्वाइस रेकर्डर भेटियो
प्रकाशित मिति : पुस ३०, २०७५ सोमबार
विमानमा सवार सबै १८९ जनाको ज्यान जानेगरी इन्डोनेशियाको जाकार्ताको समुन्द्रमाथि दुर्घटनाभएको विमानको आवाज रेकर्ड सहितको ब्ल्याक बक्स भेटिएको छ । जेटी ६१० लायन एयरको विमान गत अक्टोबरमा दुर्घटनाग्रस्त भएको थियो ।
उडेको केहीबेरमा नै जहाज दुर्घटना भएर समुन्द्रमा खस्दा सबै यात्रुको ज्यान गएको थियो । विमानको भ्याइस रेकर्डर फेला परेको इन्डोनेशियाका अधिकारीहरुले जनाएका हुन् ।
विमान उडेको केहीबेरमा चालकले एयर ट्राफिक नियन्त्रकलाई विमानस्थलमा नै विमान फर्काउनका लागि अनुमति मागेका थिए । तर लगत्तै सम्पर्कविहिनभएको विमान दुर्घटनाग्रस्त भएको थियो ।
अनुसन्धानकर्ताहरुले विमान प्राविधिक कारणले दुर्घटनाभएको जनाएका थिए । ककपिट भ्वाइस रेकर्डर फेला परेको जनाइएपनि कहाँ फेला परेको छ भन्नेबारे केही जानकारी प्राप्त भएको छैन ।
समुन्द्रको जमिनमा रहेको ८ मिटर तल गाडिएको अवस्थामा भ्वाइस रेकर्डर भेटिएको कतिपय संचारमाध्यमहरुले जनाएका छन् ।