खोरबाट निस्केको सिंहले विद्यार्थीलाई मार्यो, लाश निकाल्न सिंहलाई पनि मार्नुपर्यो
प्रकाशित मिति : पुस १९, २०७५ बिहीबार
अमेरिकाको नर्थ क्यारोलिनास्थितएक निजी चिडियाघरमा राखिएको सिंहले २२ वर्षीया विद्यार्थीलाई मारेको छ । चिडियाघरमा सिंहको खोरजिक सफाइको क्रममा सिंह आफ्नो खोरबाट बाहिर निस्केको थियो। बाहिर आएको सिंहले त्यहाँ पढाइको इन्टर्नको लागि काम गरिरहेकी विद्यार्थी अलेक्जेन्ड्रा ब्ल्याकलाई आक्रमण गरेर मारेको हो ।
अलेक्जेन्ड्राको लाश निकाल्नको लागि सिंहलाई पनि मार्नु परेको छ । मिथाइ नामको त्यो सिंहलाई पहिले डार्ट विधिबाट बेहोस बनाउन खोजिए पनि बेहोस नभएपछि मार्नुपरेको चिडियाघर प्रशासनले जनाएको छ । अलेक्जेन्ड्राले इण्डियाना स्टेट युनिभर्सिटीबाट पढाइ पूरा गरेपछि करिब २ हप्ता पहिले इन्टर्नसिप सुरु गरेकी थिइन् ।
चिडियाघर प्रशासन भने यो घटनाबाट निकै आश्चर्यमा परेको छ किनकि आक्रमण गर्ने मिथाइ नामको सिंह त्यसअघि निकै शान्त स्वभावको थियो । सिंह कसरी बाहिर आयो र किन आक्रमण गर्यो भन्ने जाँचको विषय भएको चिडियाघर प्रशासनले जनाएको छ । यद्यपि चिडियाघरमा अहिले निकै सतर्कता अपनाइएको छ र आउने पर्यटकलाई जनावरको नजिक जान दिइएको छैन ।