नवनियुक्त प्रधानमन्त्री कार्कीले लिइन् शपथ, राष्ट्रपतिको शुभकामना – ‘देश सफल होस्’

सुरज घिमिरे

---

प्रकाशित मिति : भाद्र २६, २०८२ शुक्रबार

नेपालकी नवनियुक्त प्रधानमन्त्री सुशीला कार्कीले पद तथा गोपनीयताको शपथ ग्रहण गरेकी छिन् । राष्ट्रपति कार्यालयमा शुक्रबार आयोजित एक समारोहमा उनले राष्ट्रपति रामचन्द्र पौडेलसमक्ष पद तथा गोपनीयताको शपथ ग्रहण गरेकी हुन् । उनले शपथ ग्रहणपछि शपथको ब्यहोरा लेखिएको पत्रमा हस्ताक्षर गरेकी थिइन् ।

शपथ ग्रहणसँगै राष्ट्रपति पौडेलले बधाई तथा सफल कार्यकालको शुभकामना व्यक्त गरे । उनले देश सफल होस् र जनता बचोस् भन्दै शुभकामना दिएका हुन् ।

राष्ट्रपति पौडेलले बधाई दिँदै भने, “बधाई छ धेरै धेरै शुभकामना । तपाईँ सफल हुनुहोस् । देश सफल होस् । जनता बचोस् ।”

यस्तै, शपथ ग्रहणमा उपस्थित उपराष्ट्रपति राम सहाय प्रसाद यादवलगायतका संवैधानिक तथा कूटनीतिक नियोगका उच्च अधिकारीले नवनियुक्त प्रधानमन्त्री कार्कीलाई बधाई तथा सफल कार्यकालको शुभकामना दिए । उनीमाथी ६ महिनाभित्र अर्को निर्वाचन सम्पन्न गराउने जिम्मेवारी छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उनलाई राष्ट्रपति पौडेलले शुक्रबार नेपालको संविधानको धारा ६१ अनुसार अन्तरिम सरकारको प्रधानमन्त्रीमा नियुक्त गरेका थिए । उनी नेपालको इतिहासमै प्रधानमन्त्री बन्ने पहिलो महिला हुन् ।

कार्कीले नेपालको पहिलो महिला प्रधानन्यायाधीश रूपमा इतिहास बनाइसकेकी छिन् । २०७३ साल असारदेखि २०७४ जेठसम्म उनले सर्वोच्च अदालतको नेतृत्व गरेकी थिइन् । कार्की न्यायपालिकामा भ्रष्टाचारविरुद्ध शून्य सहिष्णुताको लागि परिचित छिन्।