रुसमा १३७ जनाको ज्यान जाने गरी आक्रमण गर्ने ४ संदिग्ध आक्रमणकारीविरुद्ध मुद्दा
प्रकाशित मिति : चैत्र १२, २०८० सोमबार
रुसले मस्कोको कन्सर्ट हलमा १३७ जनाको ज्यान जाने गरी आक्रमण गर्ने चार संदिग्ध आक्रमणकारीविरुद्ध मुद्दा चलाउन थालेको छ ।
सबै संदिग्धहरूलाई आँखामा पट्टी बाँधेर मस्कोको अदालतमा ल्याइएको थियो, जसमध्ये एक ह्वीलचेयरमा थिए। सबैलाई आतंकवादको आरोप लगाइएको छ।
इस्लामिक स्टेट समूहले क्रोकस सिटी हलमा आक्रमण गरेको भन्दै सामाजिक सञ्जालमा एउटा भिडियो पोस्ट गरेको छ ।
यसैबीच रुसी अधिकारीहरूले कुनै प्रमाण बिना नै यस घटनामा युक्रेनको संलग्नता रहेको आरोप लगाएका छन् । तर, युक्रेनले यी आरोपहरुलाई अस्विकार गरिरहेको छ ।
यी चार अभियुक्तहरूको नाम दलर्दजोन मिर्जोएभ, सैदाक्रामी मुरोदली रचाबलिजोडा, शम्सिदिन फरीदुनी र मुहम्मदसोबिर फैजोभ हुन्।
सार्वजनिक भएको भिडियोमा प्रहरीले तीन जना अभियुक्तलाई आँखामा पट्टी बाँधेर रुसको राजधानी बसमेनी जिल्ला अदालतमा लैजाँदै गरेको देखिन्छ । सबै अभियुक्त घाइते अवस्थामा छन् ।