विश्वकपको फाइनलमा भारतले अस्ट्रेलियालाई दियो २४१ रनको लक्ष्य
प्रकाशित मिति : मंसिर ३, २०८० आईतबार
![](https://i0.wp.com/www.khasokhas.com/wp-content/uploads/2023/11/Rohit-Sharma-and-shubman-gills.jpg?fit=1024%2C683&ssl=1)
आईसीसी विश्वकप २०२३ को फाइनलमा भारतले अष्ट्रेलियालाई जितका लागि २४१ रनको लक्ष्य दिएको छ । पहिले ब्याटिङ गरेको भारतले केएल राहुल र विराट कोहलीको अर्धशतकको मद्दतले २ सय ४० रन बनाएको थियो ।
भारतका लागि केएल राहुलले सर्वाधिक ६६ रन, विराट कोहलीले ५४ रन र कप्तान रोहित शर्माले ४७ रनको योगदान दिए ।
सुस्त पिचमा बाँकी ब्याट्सम्यानले खास केही गर्न सकेनन् । अष्ट्रेलियाका बलर र फिल्डरले भारतीय टोलीलाई बाँधेर राखे । भारतीय ब्याट्सम्यानले ११ देखि ४० ओभरको बीचमा दुई चौका मात्र प्रहार गर्न सके ।
अष्ट्रेलियाका लागि मिचेल स्टार्कले सर्वाधिक ३ विकेट लिए ।
यो विश्वकपमा भारतले अहिलेसम्म कुनै पनि खेल हारेको छैन । खेल हेर्न केन्द्रीय गृहमन्त्री अमित शाह, बलिउड सुपरस्टार शाहरुख खान, दीपिका पादुकोण, रणवीर सिंह जस्ता स्टारहरु पुगेका छन् ।