टीम इण्डियालाई अलराउन्डर हार्दिक पाण्ड्याको सन्देश- ‘करोडौं भारतीयका लागि कप जित्नुपर्छ’
प्रकाशित मिति : मंसिर ३, २०८० आईतबार
![](https://i0.wp.com/www.khasokhas.com/wp-content/uploads/2023/11/Hardik-pandaya.jpg?fit=1024%2C603&ssl=1)
चोटका कारण विश्वकपबाट बाहिरिएका भारतीय अलराउन्डर हार्दिक पाण्ड्याले फाइनलअघि आफ्नो टोलीका लागि उत्साहजनक सन्देश दिएका छन् ।
पाण्ड्याले सामाजिक सञ्जालमा एक भिडियो सार्वजनिक गर्दै भनेका छन्, ‘मलाई यो टोलीप्रति धेरै गर्व छ । हाम्रो टोलीले अहिलेसम्म गरेको प्रदर्शन वर्षौंको कडा मेहनतको परिणाम हो। अब हामी इतिहास रच्नबाट एक कदम मात्र टाढा छौं। हामी सानैदेखि देशका लागि विश्वकप खेल्ने सपना देख्छौं। यो हाम्रो लागि धेरै विशेष छ।”
हार्दिक पाण्ड्याको भिडियो अहिले सामाजिक सञ्जालमा भाइरल भइरहेको छ ।
यस भिडियोमा हार्दिक पाण्डेले भनेका छन्, ‘हामीले विश्वकप आफ्नो लागि मात्र होइन हाम्रो पछाडि उभिरहेका अरबौं भारतीयहरूको लागि जित्नुपर्छ । म सधै मेरो टिमको साथमा छु । मेरो हृदयले तपाई सबैलाई माया गर्छ… अब कप आफ्नो घरमा ल्याउनुहोस्, जय हिन्द।
विश्वकपमा बंगलादेशविरुद्धको खेलमा आफ्नै बलले फिल्डिङ गर्दा बायाँ खुट्टामा चोट लागेको हार्दिक पाण्डेयले बताएका छन् ।
यसअघि चोट गम्भीर नभएकाले उनी फर्किन सक्ने बताइएको थियो । तर चोट गम्भीर थियो। जसका कारण उनले बाँकी खेल खेल्न पाएनन् ।