स्कुटरबाटै व्यापार

प्रकाशित मिति : श्रावण ६, २०७४ शुक्रबार

– विप्लव भट्टराई

श्रावण ६, २०७४- मोटरसाइकल दुर्घटनामा गम्भीर घाइते भएका सदरमुकामका छविलाल भेटवाललाई ६ जनाको परिवार कसरी धान्ने भन्ने चिन्ताले लामो समय सतायो । २०६८ मा झापाको लक्ष्मीपुरमा दुर्घटना परेका उनी टाउको र हातखुट्टामा चोट लागेपछि दुई वर्ष थलिए ।

धरानबाट आउँदै गर्दा दुर्घटनामा परेपछि मध्यम वर्गीय भेटवाल परिवारलाई आर्थिक संकटले गाँज्दै गयो । लामो समयसम्म ओछ्यानमा बिताएपछि उनको स्वास्थ्यमा सुधार त भयो तर खुट्टाले पहिला जस्तो काम दिएन ।

परिवारको आर्थिक गर्जो टार्ने उपायमा नलागी उनीसँग कुनै विकल्प पनि थिएन । घरभित्र बाहिर गरे पनि एक सय मिटरसम्म पनि उनलाई हिँडडुल गर्न कठिनाइ हुन्छ । यस्तै अवस्थामा उनले जुक्ति निकाले घुम्ती व्यापार ।

चार पाङ्ग्रे स्कुटर (मुपेड) चलाएर घरघर चहार्दै सामान बिक्री गर्ने उनको उपाय यति बेला परिवार धान्ने गतिलो आधार बनेको छ । ‘झापाबाट गाडीमा ल्याएको सामग्री श्रीमतीसहित परिवारका सदस्यले प्याकिङमा सघाउँछन्,’ उनले भने, ‘त्यही सामग्री सदरमुकामलगायतका क्षेत्रमा पसल–पसल पुर्‍याएर बिक्री गर्ने गरेको छु ।’

भेटवालले सदरमुकामबाट स्कुटरमा सामग्री राखेर रक्से, नेपालटार, मंगलबारे, पशुपतिनगरसम्म पनि पुर्‍याउँछन् । ५० किमिसम्म सामग्री लिएर पुग्ने गरेको उनले बताए । स्कुटरमा नै राखेर सुपारी, ल्वाङ, मरिच, सुकुमेल, जिरा, अजिना, चना, मटर, बदामलगायतका मसलाजन्य र खुद्रा सामग्री बिक्री गर्ने गरेका छन् ।

यही व्यापारमा उनको दैनिक कारोबार दस हजारभन्दा बढी हुने गरेको छ । ‘काम गर्ने जोस र जाँगर भएपछि केही न केही विकल्प भेटिँदोरहेछ,’ उनले भने, ‘छोराछोरी पढाउनेदेखि घरपरिवारको सबै खर्च यही व्यवसायबाट टरेको छ ।’ देब्रे खुट्टाले अझै राम्ररी काम दिएको छैन । अन्यत्र लागेको चोट भने ठीक भइसकेको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com