उदांगिएको ब्याटिङ

प्रकाशित मिति : श्रावण ६, २०७४ शुक्रबार

श्रावण ६, २०७४- आईसीसी यू–१९ विश्वकप छनोटको एसिया क्षेत्रमा नेपालले पहिलो पराजय भोगेको छ । पहिलो दुई खेल सजिलै जिते पनि निकै कमजोर ब्याटिङ प्रदर्शन गरेको नेपाली टिम त्यही नियति दोहोर्‍याएपछि बिहीबार अफगानिस्तानसँग १ सय ४१ रनको विशाल अन्तरले पराजित भयो ।
अफगानिस्तानको यो लगातार तेस्रो विजय हो । सिंगापुरमा भइरहेको प्रतियोगिताको डबल राउन्ड रोबिन लिग विजेता राष्ट्र अर्को वर्ष न्युजिल्यान्डमा हुने आईसीसी यू–१९ विश्वकपमा छनोट हुनेछ ।
सिंगापुर क्रिकेट क्लबमा नेपालले टस जितेपछि आएको अफगानिस्तान ४९.४ ओभरमा १ सय ९० रनमै अलआउट भयो । तर जवाफमा आएको नेपालले २६ ओभरभित्रै ४९ रनमा समेटिएपछि लज्जास्पद हार बेहोरेको हो । अफगानिस्तानबाट दुई वान डे अन्तर्राष्ट्रिय खेलिसकेका नाभिन उल हकले ह्याट्रिकसहित ४ विकेट लिए । अफगानिस्तानको नवौं ओभरमा उनले दीपेन्द्रसिंह ऐरी, प्रनित थापामगर र अनिलकुमार शाहलाई लगातार बलमा आउट गरेका थिए ।
नेपालबाट पवन सर्राफले मात्र दोहोरो स्कोर बनाए । ५२ बल खेल्दै ३ चौका प्रहार गरी २६ रन बनाएका उनी नेपाली इनिङ्समा आउट हुने अन्तिम खेलाडी थिए । ओपनरद्वय सन्दीप सुनार २ र आसिफ शेख ६ रनमा आउट भए । आदिल खान र दीपेन्द्रले ४–४ रनमात्र बनाउन सके । त्यसपछि प्रनित, अनिल र रोहितकुमार पौडेल शून्यमा आउट भएपछि नेपालको ब्याटिङ हविगत प्रस्टिएको थियो ।
नाभिनका ओपनिङ बलिङ जोडी मुजिबले पनि ४ विकेट लिएका थिए । मुजिबले सन्दीप र आशिफलाई आउट गर्दा नेपालले ४ ओभर अन्तरमा सुरुको ६ विकेट गुमाएको थियो । ‘हामी निकै खराब खेलिरहेका छौं, जब १० ओभर खेल्नु अगाडि नै सुरुको ६ विकेट झरिसक्छ भने भन्नलाई केही बाँकी रहन्न,’ नेपालका प्रशिक्षक विनोद दासले भने, ‘हामीले निकै खराब ब्याटिङ गरिरहेका छौं ।’
उनले अगाडि भने, ‘४ बलको अन्तरमा हामीले शीर्ष ब्याट्सम्यान गुमायौं । त्यसमा विकेटको कुनै दोष थिएन । दोष हाम्रो खेल्ने तरिकाको थियो । ब्याट्सम्यानहरूले परिस्थितिअनुसार खेलेनन् । कसरी खेल्नुपर्छ भनेर हामीले प्रयास पनि गरेनौं ।’ अफगानिस्तानसँगको हारले नेपालको विश्वकपमा पुग्ने सम्भावना लगभग समाप्त भइसकेको छ ।
यसअघि अफगानिस्तानबाट ओपनरद्वय इब्राहिम जाद्रनले ४३ र नविद ओवाइदले ३३ रन बनाएका थिए । नेपालबाट शाहब आलमले ३, कप्तान सन्दीप लामिछाने र पवनले २–२ तथा दीपेन्द्र र किशोर महतोले १–१ विकेट लिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com