यातायातका प्रमुख बालबाल बचे, सेवाग्राहीले गेट भत्काए (भिडियो)


प्रकाशित मिति : श्रावण ४, २०७४ बुधबार

मिलन लिम्बु

मंगलबार विहान ११ बजे एबीसी न्यूजको टीम यातायात व्यवस्था कार्यालय रवारी चालक अनुमति पत्र वितरण केन्द्र कागमतीको कार्यालय एकान्तकुना पुगेको थियो ।

हाम्रो टीम एकान्तकुना पुग्दा मुल गेटभन्दा बाहिर सेवाग्राहीको भीड थियो । सेवाग्राही सेवा नपाएर आक्रोसित थिए । भित्रबाट गेट बन्द गरिएकाले सेवाग्रहरीले प्रवेश पाएनन् । तर, आन्दोलित भइसकेका कारण कार्यालयको केही लागेन । अन्नत गेट खोलियो । गेट खोलिएपछि सेवाग्रही कार्यालय प्रमुखलाई भेट्न दौडिए ।

बल्ल तल्ल पहिलो गेट छिचोलेका सेवाग्रहरीलाई कार्यालय भवनको पहिलो गेटमै रोकियो । प्रहरीले भीत्रबाट गेटमा ताला लगाइदियो । गेटमा ताला लागेपछि सेवाग्राही झनै आक्रोसित भए ।

हामीले आक्रोसित टीमसँग समस्याको चुरो पत्ता लगाउने कोसिस ग¥यौ । बल्ल पो थाहा भयो । महिनौ देखी सेवा नपाएका कारण सेवाग्राही आक्रोसित रहेछन् । सरबर विग्रेको कारण देखाउँदै कार्यालयले तीन महिना अगाडी ट्रायल दिएकालाई पनि सवारी चालक अनुमति पत्र दिएका रहेनछ ।

कार्यालय प्रमुखलाई भेट्न अघि बढेका सेवाग्राहीको आक्रोस झनै बढ्यो । आक्रोसित सेवाग्राहीले यातायात व्यवस्था कार्यालय सवारी चालक अनुमति पत्र विरण केन्द्रको कार्यालय रहेको भवनको फलामे गेट नै भत्काइदिए ।

गेट भत्किएपछि केही बेर खैलाबैला मच्चियो । तर, सेवाग्राहीको आक्रोस मथ्थर हुन सकेन । आक्रोसित सेवाग्राही तेस्रो तल्लामा रहेको कार्यालय प्रमुखको कार्यकक्षा जाने भन्दै उकालो लागे । सेवाग्राही र प्रहरीबीच कार्यालय प्रमुखको कार्यकक्ष अगाडी झम्टाझम्टी चलिनै रहयो ।

हाम्रो टीम कार्यालय प्रमुख तेजनारायण यादवलाई भेट्न अगाडी बढ्यो । कार्यालय प्रमुखको कार्यकक्षमा छलफल चलिरहेको थियो । छलफलकैबीच हामीले सेवाग्राहीले किन समस्या भोग्नु प¥यो भनेर सोधेका थियो । सरल, जवाफ थियो । सरवर समस्या ।

यातायात व्यवस्था विभाग बागमती अञ्चल कार्यालयका प्रमुखले सबै समस्या यातायात व्यवस्था विभागले समाधान गर्नु पर्ने बताए । त्यसपछि हाम्रो टीमा बाहिरियो । बाहिर सेवाग्राहीको धर्ना जारी थियो । त्यतिन्जल सम्ममा प्रहरीको थप टोली पनि आइपुगेको थियो । टोलीको एक सदस्यले हामीलाई दुरव्यवहार नै गरे । लाग्थो, ती प्रहरी सुरक्षा प्रदान गर्न भन्दा पनि मिडियालाई गाली गर्न आएका थिए ।

कुराकानीपछि हामी आक्रोसित सेवाग्राही सहित फेरी तल्लो तला झर्यौ । भर्याङबाट ओर्लने क्रममा आक्रोसित सेवाग्राहीले नारावाजी नै गरे ।

सेवाग्राही तल भरेपछि कार्यालय प्रमुख तेजनारायण यादव पनि तल झर्न बाध्य भए । भत्किएको गेटसम्म आएका प्रमुख यादवले केहीबेर सेवाग्राहीलाई थुमथुम्याउने प्रयत्न गरे ।

कार्यालय प्रमुखले आश्वाशन दिएपछि सेवाग्राही केही मथ्थर भए । त्यपछि हाम्रो टीम यातायात व्यवस्था विभागको प्रतिकृया लिन नयाँ बानेश्वर तिर लाग्यो । नयाँ बानेश्वरमा रहेको यातायात व्यवस्था विभागमा महानिर्देशन रुपनारायण भट्टराई भेटिए । उनले पनि उही सरवर समस्याकै जवाफ दिए ।

यातायता व्यवस्था विभागले सवारी चालक अनुमति पत्र विरणमा सहजता ल्याउने भन्दै अनलाइन दर्ता र स्मार्ट कार्ड वितरण सुरु गरेको धेरै भएको छैन । अनलाइन प्रकृया सुरु भएपछि मात्र अनलाइन प्रणालीको सरवरमा ५० पटक भन्दा धेरै समस्या आइसकेको छ । आम दर्शक र पाठकलाई यो पनि जानकारी होस, भारतीय कम्पनीसँग यातायात व्यवस्था विभागले सवरको सेवा लिएको छ । यसरी, सरवरमा बारम्बार समस्या उत्पन्न हुँदा आम सेवाग्राहीले सवारी चालक अनुमतिपत्र लिन ठूलै समस्या झेल्नु परेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com