Follow @khasokhasmag

भारतीय चरेस व्यापारीसहित ७ जना पक्राउ


प्रकाशित मिति : श्रावण ४, २०७४ बुधबार

श्रावण ४, २०७४- अवैध लागूऔषध चरेससहित सशस्त्र प्रहरी बल वेसक्याम्प हेटौडाले बुधबार चारजना भारतीयसहित ७ जनालाई पक्राउ गरेको छ । भारतीय चरेस व्यापारीसहित भरिया पक्राउ गरेको यो पहिलो पटक हो । मुख्य चरेस व्यापारी भारत मजफपुरका ३८ वर्षीय रन्जित सिंह, निर्भय सिंह, मुकेश सर्राव, कलावती साह, रौतहटी राजपुरकी ताल्मा खातुन र मकवानपुर थाहा नपा ७ का भरिया १८ वर्षीय विक्रम स्याङतान र हिरा स्याङतान ३० केजी चरेससहित पक्राउ गरेका हुन् ।

धादिङमा उत्पादन गरेको चरेस स्याङतानद्वयले प्लास्टिकको ३० वटा पाकेटमा प्याक गरेर झोलामा लुकाएर ल्याएका थिए । भरियाद्वय निलम लजमा वसेका थिए भने चरेस व्यापारी सिंहसहित पाँचजना हेटौडाको रोशन होटलबाट पक्राउ गरेको सशस्त्र प्रहरी बल वेसक्याम्पका प्रहरी नायव उपरीक्षक त्रिभुवन विष्टले बताए । उनीहरुको साथबाट प्रहरीले चरेससहित एक भारतीय गाडी, ६ थान मोबाइल र ३३ हजार भारतीय नोट बरामद गरेको छ ।

सशस्त्र प्रहरी बल वेसक्याम्पले बरामद गरेको सामानसहित अनुसन्धान गरेर कानुनी कारबाही गर्न जिल्ला प्रहरी कार्यालय हेटौडालाई बुधबार बुझाएको छ । चरेस लैजानका लागि लागूऔषध व्यापारी रन्जितसिंहसहितको टोलीले भारतीय गाडी नै लिएर आएका थिए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com