Follow @khasokhasmag

विश्व शान्तिको कामना गर्दै अमेरिकामा शंखनाद


प्रकाशित मिति : श्रावण ४, २०७४ बुधबार

विश्व शान्तिको कामना गर्दै अमेरिकास्थित मेरिल्याण्डको बाल्टिमोरमा हिन्दु परम्परा अनुसारको स्वस्तिवाचन तथा शंखध्वनी बजाइएको छ । बाल्टिमोर स्थानिय सरकारको आव्हानमा स्थानिय संघ सस्थाले कार्यक्रममा सहभागिता जनाएका थिए ।

गोल्डस्टार खजिरखानको प्रमुख आतित्यथामा सम्पन्न कार्यक्रममा नेपाली एवंं हिन्दु समुदायको प्रतिनित्व गर्दै ज्योतिष मधुप्रसाद गौलीले स्वस्ति वाचन गरेका थिए ।

कार्यक्रममा बाल्टिमोर काउन्टी मानव सम्वन्ध परिषद, महिला परिषद, अमिगोस अफ बाल्टिमोर काउन्टी, इस्लामिक सोसाइटी अफ बाल्टिमोर, बाल्टिमोर यहुदी समाज, ब्रिज मेरिल्याण्ड र अन्य धर्ममा आस्था राख्नेहरुको उल्लेख्य सहभागिता रहेको थियो ।

सोही अवसरमा बाल्टिमोर काउन्टीका प्रमुख केविन कोमजेनले जुलाई १२ लाई एकता दिवशका रुपमा घोषणा गरेका छन् । उनले सबै समुदायको धर्म सस्कृतिको सम्मान गर्दै एकता दिवशको घोषणा गरिएको जानकारी दिएका छन् ।

यसअघि कान्टीप्रमुख कोमजेनले आप्रवासी संरक्षण, विविधता र समानको लागि कार्यकारी आदेश जारी गरिसकेको छन् । कार्यक्रममा नेपाली समुदायको तर्फबाट ह्यारी भण्डारीले कार्यक्रमको संयोजन गरेका थिए ।

कार्यक्रम बारे जानकारी दिँदै ह्यारीले खसोखाससंग भने, – ‘विश्वसमुदाय सामु नेपाल र नेपालको सस्कृतिक झल्कने कार्यक्रम गर्ने हाम्रो उदेश्य थियो, त्यो पुरा भएको छ ।’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com