कतार संकट समाधानको प्रयासस्वरुप फ्रान्सेली विदेशमन्त्री अरबमा
प्रकाशित मिति : श्रावण १, २०७४ आईतबार
In this Saturday, July 15, 2017 photo released by Saudi Press Agency, Saudi Foreign Minister Adel al-Jubeir, right, shakes hands with France Foreign Minister Jean-Yves Le Drian during a join press conference in Jiddah, Saudi Arabia. France’s foreign minister on Saturday called on Qatar’s neighbors to immediately lift measures impacting thousands of people in the Gulf, becoming the latest foreign diplomat to visit the region and attempt to help find a resolution to a crisis that has dragged on for more than a month. (Saudi Press Agency via AP)
रियाद, १ साउन । कतारसँग उसका छिमेकी मुलुकहरुको कूटनीतिक सम्बन्ध सुधार्ने प्रयासका लागि फ्रान्सका विदेशमन्त्री जेन यभेसले ड्रिन साउदी अरबको मुख्य पश्चिमी सहर जेद्दाहमा शनिबार आइपुग्नुभएको छ ।
गएको करिब महिनादिन भन्दा लामो समयदेखि कतारका छिमेकी मुस्लिम देशले उससँग कूटनीतिक सम्बन्ध विच्छेद गरेपछि उत्पन्न भएको समस्या समाधानको प्रयास उहाँले गर्नुहुने छ ।
“फ्रान्सले जति सक्दो चाँडो समस्या समाधान गर्न आह्वान गर्नेछ, कतारका देशका जनता विषेशगरेर विद्यार्थी बढी मर्कामा परेका छन् र यसले अरुलाई पनि दुःख दिएको छ” ड्रिनले साउदी अरबका विदेशमन्त्री अडेल अल जुवेइरसँगको संयुक्त पत्रकार सम्मेलनमा भन्नुभयो ।
विदेशमन्त्री ड्रिनले कतारसँगको सम्बन्ध सुधार्नका लागि साउदी अरेबिया, संयुक्त अरब इमिरेट्स, बहराइन र इजिप्टले छलफल थाल्नुपर्नेमा जोड दिनुभयो ।
रियादको भ्रमणपछि उहाँले कुवेत र युएइ पनि जानुहुने छ । उहाँले सो भ्रमणमा विशेष गरेर छलफलबाटै सङ्कट समाधान खोज्न जोड दिनुहुने भएको छ ।
साउदी अरेबियाका विदेशमन्त्री अल जुबेइरले भने कतारले धेरै सम्झौता उल्लङ्घन गरेका धैरै प्रमाण रहेको दावी गर्नुभयो ।
उहाँले सन् २०१३ को साउदी अरेबियासँगको सम्झौता र २०१४ को ‘सप्लीमेन्ट्री एग्रिमेण्ट’ खाडी मुलुकको सहकार्यका लागि गरिएको भएपनि बेवस्ता गरेको पनि बताउनुभयो ।
विदेशमन्त्री जुवेइरले आतङकबाद विरुद्धका सम्झौता कतारले पालना गर्नैपर्ने शर्त जोडतोडका साथ राख्नुभयो ।
चार देशले कतारसँग गत जुन ५ तारिखदेखि नाकाबन्दी गरेका छन् । ती देशहरुले नाकाबन्दी अन्त्य गर्न जुन २३ मा १३ बुदे शर्त राखेर कतारलाई पत्र पनि पठाएका थिए ।
पत्रमा अल जाजिरा टेलिभिजन बन्द गर्नु पर्ने र ईरानसँगको कूटनीतिक सम्बन्ध तोड्नुपर्ने शर्त पनि राखिएको थियो । तर ती शर्त मान्न कतार अहिलेसम्म तयार भएको छैन ।
कतारको यो जवाफ उनीहरुलाई चित्त नबुझेपछि कतारसँगको नाकाबन्दी जारी राखिएको छ । यस समयमा फ्रान्सका विदेशमन्त्रीको सक्रियता बढेको हो ।