अमेरिका कतारकै पक्षमा : ट्रम्प

प्रकाशित मिति : श्रावण १, २०७४ आईतबार

श्रावण १, २०७४- अमेरिकी राष्ट्रपति डोनाल्ड ट्रम्पले अमेरिकाले कतारसँग सदैव सुमधुर सम्बन्ध कायम राख्ने बताएका छन् । एक अमेरिकी टेलिभिजनलाई दिएको अन्तरवार्तामा ट्रम्पले कतारबाट अमेरिकी हवाई सेनाको क्याम्प नहटाउने जनाए । उनले अमेरिकी सैनिक क्याम्प स्थापनाका लागि मध्यपूर्वका १० देशको चाहना रहेको बताए । कतारमा १० हजार अमेरिकी हवाई सेना छन् । आतंकवादीलाई सहयोग गर्न नहुने बताउँदै टम्पले कतारले त्यसो नगरेको धारणा राखे । ट्रम्पले यसअघि ट्वीटमार्फत कतारमा लगाइएको नाकाबन्दी अन्त्य गर्न आग्रह गरेका थिए । ट्रम्पले साउदी अरबका राजा सलमानसँग फोनमार्फत कुराकानी गरेका छन् । फोनमा डेढ महिना लामो कतारमाथिको प्रतिबन्ध अन्त्यबारे कुराकानी भएको राष्ट्रपति कार्यालयले जनाएको छ ।

कतार संकट अन्त्यका लागि पश्चिमेली देशहरूको पहल जारी छ । यसको पछिल्लो प्रयास स्वरूप फ्रान्सका विदेशमन्त्री जुवान इभ्सले ड्रियान दोहा पुगेका छन् । उनले आफ्ना कतारी समकक्षी शेख महम्मद विन अब्दुलरामन अल थानीसँग भेट गरेका छन् । भेटमा विदेशमन्त्री ड्रियानले कतार संकट समाधानका लागि कुवेतको पहललाई पूर्ण समर्थन जनाएका छन् । कतारका विदेशमन्त्रीले फ्रान्सको समर्थनको स्वागत गर्दै आफूहरूले आतंकवादलाई समर्थन नगरेको प्रष्ट पारे ।

कतार र टर्कीबीच सहकार्य
कतारको विदेश मन्त्रालयले कतार समस्या एकै दिनमा समाधान नहुने बताएको छ । अमेरिका कतार संकट समाधान गर्न असफल नभइसकेको भन्दै विदेशमन्त्री थानीले आफू चार देशसँग सम्बन्ध सुधार्न अमेरिका र कुवेतसँग सहकार्य गर्ने बताए । टर्कीका विदेशमन्त्रीले तेस्रो देशलाई कतार वा टर्कीको विषयमा बोल्ने अधिकार नभएको बताए । यसअघि साउदी अरबले कतारस्थित टर्कीको सैन्य क्याम्प आफ्नो देशमा सार्न पहल गरेको थियो । संयुक्त अरब इमिरेटस्का विदेश राज्यमन्त्रीले कतार संकट चाँडै अन्त्य हुने सम्भावना नरहेको बताए । ट्वीटमार्फत उनले आफूहरू राजनीतिक समाधानबाट निकै टाढा रहेको बताएका छन् ।

टर्कीको राजधानी इस्तानबुल पुगेका थानीले अमेरिका–कुवेत मध्यस्थताको फल चाँडै प्राप्त हुने आशा व्यक्त गरे । टर्कीमा उनले राष्ट्रपति रेसेप इर्दोगानसँग कतार संकट अन्त्यका लागि छलफल गरेका थिए । भेटमा टर्कीले आफ्नो सैनिक क्याम्प कतारमै रहने जनाएको थियो । उनका टर्किस समकक्षीले कतारमाथिको नाकाबन्दी अन्यायपूर्ण भएकाले तत्काल अन्त्य गर्नुपर्ने बताए । उनले साउदी अरब, बहराइन, इजिप्ट र संयुक्त अरब इमिरेटस्सँग वार्ता हुने विश्वास व्यक्त गरे । थानीले आपसी सम्मान र अन्तर्राष्ट्रिय कानुनको आधारमा वार्ता गर्न आफू तयार रहेको बताए । आतंकवादलाई समर्थन गरेको भन्दै चार देशले कतारमाथि जुन ५ देखि नाकाबन्दी गरेका हुन् । कतारले भने यसलाई अस्वीकार गर्दै आएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com