Follow @khasokhasmag

बस र ट्रक आपसमा ठोक्किदा दुवै गाडी चालकसहित ३१ घाइते


प्रकाशित मिति : असार ३१, २०७४ शनिबार

– हरिहरसिंह राठौर  

असार ३१, २०७४- पृथ्वी राजमार्ग अन्र्तगत धादिङको जोगीमारा स्थित खटौटीमा यात्रुबस र ट्रक आपसमा ठोक्किदा दुवै गाडीका चालकसहित ३१ जना घाइते भएका छन् ।

महोत्तरीबाट काठमाडाैं आउँदै गरेको ना५ख ५०२ नम्बरको यात्रुबस र विपरित दिशा तर्फबाट जाँदै गरेको ना६ख १२४ नम्बरको ट्रक धादिङको बेनिघाट रोराङ गाउँपालिका वडा नं. ९ स्थित खटौटी पुल नजिक जुधेको हो ।

शनिबार बिहान करिब साढे ६ बजे भएको दुर्घटनामा बस र ट्रक दुवै सवारीका चालकसहित ३१ जना घाइते भएको इलाका प्रहरी कार्यालय गजुरीका प्रहरी निरिक्षक बरुण बहादुर सिंहले जानकारी दिए ।

गम्भीर घाइते ३ जनालाई उपचारको लागि काठमाडौं लगिएको छ भने अन्य घाइतेहरुको मलेखु स्थित सामुदायिक अस्पताल र गजुरी अस्पतालमा उपचार भइरहेको छ । घाइते हुनेमा अधिकांश बसमा सवार यात्रु छन् ।

दुर्घटनापछि अवरुद्ध बनेको पृथ्वी राजमार्ग ३ घण्टापछि एकतर्फी खुलेको छ । लोड ट्रक भएकोले साइड लगाउन नसकिएकोले राजमार्ग खुलाउन समस्या भएको प्रहरी निरिक्षक  सिंहले बताए । दुवै सवारीका चालक घाइते भएकोले दुर्घटनाका कारण खुलेको छैन ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com