Follow @khasokhasmag

दार्जिलिङमा फेरि तनाव : सुरक्षाकर्मीको गोलीले दुईको मृत्यु


प्रकाशित मिति : असार २४, २०७४ शनिबार

असार २४, २०७४- नेपाली भाषी भारतीय बहुल पश्चिम बंगालको दार्जिलिङमा फेरि तनाव बढेको छ । सुरक्षाकर्मीको गोलीबाट दुई युवाको मृत्यु भएपछि दार्जिलिङमा पुन: तनाव बढेको हो । सीआरपीएफको गोलीबाट दार्जिलिङ सोनादामा शुक्रबार राति स्थानीय युवा टासी भुटियाको मृत्यु भएको थियो । उनी गोर्खा राष्ट्रिय मुक्ति मोर्चाका युवा कार्यकर्ता थिए ।

बिरामी भाइलाई औषधि किन्न बजार जादै गर्दा सीआरपीएफलाई उनमाथि गोली चलाएको गोर्खा राष्ट्रिय मुक्ति मोर्चाका नेता निरज जिम्वाले जनाएका छन् । ‘सीआरपीएफले निहत्था युवाको हत्या गरेको छ’, जिम्वाले भने ।

भुटियाको हत्याको घटनाले शनिबार दिनभर दार्जिलिङ, कालिम्पोङ, खरसाङ र मिरिक क्षेत्र तनावग्रस्त बनेको थियो । भुटियाको हत्या घटनाको बिरोधमा दार्जिलिङका बिभिन्न स्थानमा भएको तोडफोड र सुरक्षाकर्मीको भीडन्तमा थप एक युवाको मृत्यु भएको कालिम्पोङको अनलाइन पत्रिका खबरम्यागेजिनले जनाएको छ ।

दार्जिलिङमा सुरक्षाकर्मीसँगको झडपमा तुङसुङ निवासी ३७ वर्षीय सुरज सुन्दासको मृत्यु भएको स्थानीय प्रशासनले पुष्टि गरेको छ । सुरक्षाकर्मीको फायरिङवाट १२ जना भन्दा बढी घाइते छन् । उनीहरुको स्थानीय अस्पतालमा उपचार भइरहेको छ ।

Source : Ekantipur

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com