राजदूत भन्छिन्- ‘सबै मिलेर काम गर्नुपर्छ’


प्रकाशित मिति : असार २४, २०७४ शनिबार

असार २४, २०७४- अष्ट्रेलियाका लागि नवनियुक्त राजदुत लक्की शेर्पाले अष्ट्रेलियामा रहेका नेपालीहरुको सीप र दक्षतालाई नेपालको विकासका लागि प्रयोग गर्न लागिपर्ने बताएकी छिन् ।

करिब १ महिनाअघि राजदुत नियुक्त भएर आएकी शेर्पाले नेपाली समुदायसँग हातेमालो गर्दै अघि बढ्ने प्रतिबद्धता मात्र ब्यक्त गरिनन् कि नेपाली समुदाय र नेपालको हितका लागि आफूले सरकारको प्रतिनिधिको रुपमा अझ उत्कृष्ट काम गर्ने दाबी समेत गरिन् । राजदुत भएपछि पहिलोपटक सिड्नी आइपुगेकी राजुदतले यहाँस्थित महावाणिज्युदतावासको कार्यालयले आयोजना गरेको स्वागत कार्यक्रममा अष्ट्रेलियामा रहेका प्राय नेपालीहरु दक्ष भएको बताउदै शेर्पाले यहाँका नेपालीहरुको सीप र क्षमतालाई नेपालमा लगानी गर्नका लागि आफ्नो पहल रहने समेत बताइन् ।

शुक्रबार शेर्पालाई यहाँका नेपालीहरुसँग औपचारिक परिचय गराउने उद्देश्यले आयोजना गरिएको कार्यक्रममा राजदूत शेर्पाले नेपाल र अष्ट्रेलियाबिचको सम्बन्धलाई अझ सुमधुर बनाउन र अष्ट्रेलियाले पुर्‍याउदै आएको सहयोग बृद्धिका लागि पहल गर्ने बताइन् । उनले अष्ट्रेलियासँग व्यवसायिक सम्बन्ध कायम गर्न आफु लागि पर्ने दाबी समेत गरिन् । आफू सबै नेपालीको राजदूत भएर आएको बताउदै नेपाल र नेपालीहरुको हितका लागि काम गर्ने सुनाइन् ।

भर्खरै नियुक्त भएर आएकी अष्ट्रेलियाका लागि नेपाली राजदूत लक्की शेर्पाले पहिलो काम दुतावासको वेबसाइटलाई परिष्कृत र सहज बनाउने काम गरिन् । त्यतिमात्र नभएर अहिलेसम्म आएका सबै राजदुतभन्दा सहज पहुँच र काममा चुस्तता ल्याउने कोशिष गरेकी छिन् । कार्यक्रममा बाणिज्यदुत दीपक खड्का, एनआरएनका केन्द्रीय अध्यक्ष शेष घले, अष्ट्रेलियाका अध्यक्ष सुरेन्द्र सिग्देल लगायतका बिभिन्न संघसंस्थाका ब्यक्तिहरुको सहभागिता रहेको थियो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com