निर्माणाधिन जलविद्युत बगायो, ३० करोडको क्षति

प्रकाशित मिति : असार २३, २०७४ शुक्रबार

असार २३, २०७४- बाढीपहिरोले लमजुङ र कास्की सीमा रुदी नदीमा निर्माणाधिन दुइवटा जलविद्युत आयोजनामा क्षति पुर्‍याएको छ ।

८ दशमलब ८ मेगावाटको रुदी ‘ए’ र ६ दशमलब ६ मेगावाटको रुदी ‘बी’ साना जलविद्युत आयोजनामा क्षति पुर्‍याएको हो । विन्दवासिनी हाइड्रोपावर डेभलपमेन्ट कम्पनी लिमिटेडले निर्माण गर्दै गरेको आयोजना १५ दशमलब ४ मेगावाटको हो ।

अबिरल बर्षासंगै आएको बाढीपहिरोले आयोजनाको निर्माणाधिन बाँध, बाँधमा प्रयोग भएका सामग्री बगाउनुका साथै विद्युत गृहमा क्षति पुर्‍याएको छ । बाढीले अस्थायी बाँध भत्काएर निर्माण हुँदै गरेको स्थायी बाँध भत्काएको हो । आयोजना प्रमुख सरोज भट्टराईका अनुसार गत शुक्रबार (असार १६) गतेदेखिको निरन्तर बाढीपहिरोले आयोजनामा क्षति पुगेको हो । उनका अनुसार जलविद्युत निर्माणका लागि आयोजनाले बनाएको (मुङ्ग्रीबेंसी–सिङदी) सडक २५ ठाउँमा पहिरो गएको छ ।

रामबजार–मुङ्ग्रीबेंसी सडक खण्डको कल्याङबेंसी नजिकै एक्वार भन्ने ठाउँमा मादीले १ सय मिटर कटान गर्दा सवारी आवागमन ठप्प छ । स्थानीय हिँड्ने बाटो समेत अवरुद्ध भएको छ । मादी र रुदी दोभानको पूल पनि बगाएको छ । आयोजनाको निर्माणकार्य बन्द छ ।

आगामी असोजसम्म निर्माण सक्ने लक्ष्य लिएको रुदी ‘ए’ आयोजना ८० प्रतिशत सकिएको थियो । रुदी ‘बी’ ३० प्रतिशत सकिएको थियो । अहिले आयोजना निर्माणस्थलमा जाने बाटो समेत बगाएको भट्टराइले बताए । उक्त बाटो मर्मत गर्न १ महिना लाग्ने उनले बताए । आयोजना निर्माणस्थलसम्म पुग्न थप १ साता लाग्छ । दुइवटा आयोजना बाढीपहिरोले भत्काउँदा ३० करोड रुपैयाँ बराबरको क्षति पुगेको आयोजनाले दावी गरेको छ । गतबर्षपनि पहिरोले आयोजनामा क्षति पुर्‍याएको थियो । ‘संरचनामा क्षति पुग्दा ३० करोड क्षति पुग्ने देखियो । बाटो र भत्काएका संरचना बनाउँदा ६ देखि ७ महिनासम्म लाग्ने देखियो’ उनले भने ।

आयोजनालाई घाटैघाटा
आयोजनाका अनुसार बाढीपहिरोले क्षति पुर्‍याउँदा गतबर्ष १ करोड रुपैयाँ बराबरको क्षति भयो । ०७२ बैशाख १२ गतेको विनाशकारी भूकम्प, त्यसपछिको नाकाबन्दीले आयोजना निर्माणमा ढिलाई हुनुका साथै आर्थिक भार थपियो । ‘त्यतिबेला असारमै सक्ने आयोजना भूकम्प र नाकाबन्दीले ढिलाई भयो । गतबर्ष असोजमा सक्ने योजना बनायौं । भदौमा बाढीपहिरो आयो । अहिले फेरि असोजसम्म सक्ने योजना थियो । फेरि बाढीपहिरोले समस्या बनायो’ उनले भने ।

रुदी ‘ए’आयोजना लमजुङको क्व्होलासोंथर ५, सिङदीबेसीमा बाँध बाँधेर कास्कीको मादी गाउँपालिकास्थित रबैडाँडा हुँदै ६ किलोमिटर पेनस्टक पाइपमार्फत पानी ल्याएर बालुवाबेंसीमा निर्माण हुने गृहबाट विद्युत उत्पादन गरिने छ । उक्त आयोजना १ अर्ब ३६ करोड २० लाख रुपैयाँ लागतमा निर्माण हुन लागेको हो । रुदी ‘ए’ संगै प्रवर्धक कम्पनीले रुदी ‘बी’ साना जलविद्युत आयोजनाको पनि निर्माण थालेको हो । सिङदी नजिकैको टोंगो खोला दोभानमा बाँध बाँधेर सिङदीबेंसीमा निर्माण गरिने गृहमा पानी खसालेर विद्युत उत्पादन गरिने उनले बताए । पानी ल्याउन साँढे ३ किलोमीटर लामो पेनस्टक पाइप प्रयोग गरिने छ । उक्त आयोजना १ अर्ब ३ करोड रुपैयाँमा निर्माण हुन लागेको हो । ‘भूकम्प, नाकाबन्दी, बाढीपहिरोले लागत पनि बढाएको छ । यति नै बढ्यो भनेर अहिले भन्ने अवस्था छैन’ उनले भने ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com