दोश्रो चरणको चुनावी अनुमान पनि मिल्यो ९९ प्रतिशत
प्रकाशित मिति : असार २२, २०७४ बिहीबार
एबीसी टेलिभिजनले स्थानीय तहको निर्वाचनका बेला पहिलो चरणमा गरेको चुनावी अभियान ९९ प्रतिशत मिलेको थियो भने दोस्रो चरणमा गरेको चुनावी अनुमान पनि ९९ प्रतिशत मिलेको छ ।
दोस्रो चरणको निर्वाचन मतदानको दिन असार १४ गते सांझ ५ बजै एबीसी टेलिभिजनले एबीस मिडिया ग्रुपका अध्यक्ष शुभशंकर कंडेलले राजनीतिक शास्त्री तथा विश्लेषयहरुका बीचमा एक्जिट पोल सार्वजनिक गरेका थिए । एक्जिट पोल बहसमा कंडेलसंगै राजनीतिशास्त्री डाक्टर लोकराज बराल, पूर्वमन्त्री रमेश नाथ पाण्डे, नेपाल पत्रकार महासंघका पूर्व अध्यक्ष शिव गाउंले र एबीसी न्युजका समाचार निर्देशक डा सुरेश आचार्य थिए ।
एबीसी एक्जिट पोलमा नेकपा एमालेले कम्तीमा १४३ स्थानीय तहमा प्रमुख जितेर पहिलो पार्टी बन्ने प्रक्षेपण गरेको थियो । त्यो बाहेक २२ स्थानमा तीब्र प्रतिस्पर्धा हुने र त्योमध्येबाट पनि केही सिटहरु एमालेले ल्याउने अनुमान गरिएको थियो ।
दोस्रोमा सत्तारुढ नेपाली कांग्रेसले कम्तीमा १०७ तहमा जित्ने तथा २ स्थानमा तीब्र प्रतिस्पर्धा हुने र त्योमध्येबाट पनि केही सिटहरु एमालेले ल्याउने अनुमान गरिएको थियो । तेस्रोमा माओवादी केन्द्रले ३५ तहमा प्रमुख जित्ने र तीब्र प्रतिस्पर्धा हुने स्थानबाट थप केही सिट ल्याउने अनुमान गरिएको थियो ।
दोश्रो चरणको चुनावमा हालसम्म एमालेले १४२ स्थानमा जीत हासिल गरेको छ भने ८ स्थानमा अग्रता कायम गरिरहेको छ । त्यस्तै काँग्रेसले ११७ स्थानमा जितेको छ भने ६ स्थानमा अग्रता कायम गरिरहेको छ । माओवादी केन्द्रले ३७ स्थानमा जितेको छ भने १ स्थानमा अग्रता कायम गरिरहेको छ ।
एक्जिट पोलमा मधेश केद्रित दल संघीय समाजवादी फोरम र लोकतान्त्रिक फोरमले समान ६ स्थान जित्ने प्रक्षेपण जस्ताकोतस्तै मिलेको छ ।
प्रक्षेपणमा राप्रपाले २ स्थान जित्ने भनिएकोमा ४ स्थान हात पारेको छ ।
दोस्रो चरणको निर्वाचन सुरु हुनेबेलाबाटै जनमत तयारीमा रहेकाले राजपाले ८ स्थानसम्म जित्ने प्रक्षेपण थियो । तर अन्तिममा राजपाले चुनवा वहिस्कार गर्यो भने स्वतन्त्र उमेदबार उठाउंदा उसले जित्ने सिट नेका र एमालेले खोस्न पुगे । एबीसी न्युज देशभरको राजनीतिक पक्षेपण र जनताको नाडी छाम्न सफल भएको मत परिणामले देखाएको छ ।
