भद्रपुर नगरपालिकाको ४ मा माओवादी र ५ मा काँग्रेस विजयी
प्रकाशित मिति : असार १९, २०७४ सोमबार
भद्रपुर, १९ असार । स्थानीय तहको दोस्रो चरणको सम्पन्न निर्वाचनमा भद्रपुर नगरपालिकाबाट वडा नं ४ मा नेकपा (माओवादी केन्द्र)का वडा अध्यक्ष हंशधर राजवंशीसहित एक महिला सदस्य सविता पुरीले ८४७ मत ल्याएर विजय हासिल गर्नु्भएको छ ।
राजवंशीले ९०९ मत र उहाँका निकटतम प्रतिद्वन्द्वी नेकपा (एमाले) कहरसिंह राजवंशीले ६८९ मत प्राप्त गर्नुभएको छ ।
यसैगरी, सोही वडामा दलिततर्फ वडा सदस्यमा एमालेका कल्पना दर्नालले ८५९, सन्ध्या हराले ८१३ मत ल्याएर विजयी हुनुभएको छ ।
एक सदस्य पदमा एमालेका गङ्गा बराल र माओवादी केन्द्रका दिलीप लिम्बूले ८११÷८११ मत ल्याएर बराबरी भएपछि गोला प्रथाबाट दिलीप लिम्बूले जित हासिल गर्नुभयो ।
साथै, भद्रपुर नगरपालिकाकै वडा नं ५ मा नेपाली काँग्रेसका बन्धु कार्कीसहित समूह विजयी भएर खाता खोलेका छन् । कार्कीले एक हजार ३५ र उहाँका निकटतम प्रतिद्वन्द्वी एमालेका देवु घिमिरेले ४६२ मत प्राप्त गर्नुभयो ।