Follow @khasokhasmag

सर्वोच्चले सदर गर्‍यो ट्रम्पको नीति, ६ देशका नागरिकलाई अमेरिका प्रतिबन्ध


प्रकाशित मिति : असार १७, २०७४ शनिबार

असार १७, २०७४- अन्तत: अमेरिका जान प्रतिबन्ध लाग्ने नै भएको छ, मुस्लिमबहुल ६ देशका नागरिकलाई । अमेरिकी सर्वोच्च अदालतले बिहीबार राष्ट्रपति डोनाल्ड ट्रम्पको नीति सदर गर्दै कार्यान्वयनका लागि फुकुवा गरेकाले पाँच महिनाअघि घोषित कानुन लागू भएको हो ।

राष्ट्रपति भएलगत्तै ट्रम्पले मुस्लिमबहुल रहेका इरान, सोमालिया, लिबिया, सुडान, सिरिया र यमन गरी ६ देशका नागरिकमाथि अमेरिका यात्रामा प्रतिबन्ध लगाउने कानुन घोषणा गरेका थिए । तर अधिकारवादी र अदालतको विरोधले ती देशका नागरिक र शरणार्थीमाथिको यात्रा प्रतिबन्धको कानुनको कार्यान्वयन हुन सकेको थिएन । त्यतिबेला व्यापक मात्रामा विरोध मात्रै भएन, संघीय अदालतले कार्यान्वयन नगर्न आदेश नै दिएको थियो । तर, बिहीबार सर्वाेच्चले ट्रम्पको नीति सदर गरिदिएको छ । फैसलामा उक्त कानुन पूर्ण रूपमा प्रतिबन्ध लगाउने गरी नभई आंशिक कार्यान्वयनका लागि फुकुवा गरिएको छ । पहिले नै प्रवेशाज्ञा भएका नागरिक, अमेरिकामा स्थायी रूपमा बसोबास गर्ने परिवारका वास्तविक आफन्तजन र त्यहाँ व्यापारिक सम्बन्ध भएका नागरिकका हकमा भने यो कानुन लागू नहुने सर्त फैसलामा उल्लेख छ । अहिलेको लागि ती ६ देशका नागरिकलाई ९० दिनको र शरणार्थीलाई १२० दिनको प्रतिबन्ध लगाउन पाउने अदालतको आदेशमा छ ।

आदेशको अधिकारवादीले विरोध गरेका छन् । बिहीबारबाट कानुन कार्यान्वयनमा आएसँगै जोन एफ केनेडी अन्तर्राष्ट्रिय विमानस्थलमा अधिकारवादीहरू उपस्थित भएर अध्यागमनका अधिकारीलाई प्रवेशाज्ञा लिएर आएका नागरिकलाई नफर्काउन आग्रह गरिरहेका थिए । उनीहरूले यो कानुनको कार्यान्वयन हुनुभन्दा अघि नै प्रवेशाज्ञा प्राप्त गरेका नागरिकलाई नरोक्न आग्रह गरिरहेका थिए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com