प्रदेश नं. १ : एमाले–कांग्रेस अघिपछि
प्रकाशित मिति : असार १७, २०७४ शनिबार
असार १७, २०७४
प्रदेश १ मा पर्ने जिल्लाका नगर र गाउँमा भएको स्थानीय तह निर्वाचनको मतपरिणाममा एमाले अघि देखिएको छ । मतगणना जारी रहेका स्थानमा पनि एमालेकै अग्रता छ । कांग्रेसले उसलाई पछ्याइरहेको छ ।
कतिपय स्थानमा राम्रो व्यवस्थापन हुन नसक्दा मतगणनामा ढिलाइ भइरहेको छ । मोरङ, झापालगायत जिल्लाका स्थानीय तहमा एमाले अगाडि छ । सुनसरीलगायत जिल्लामा कांग्रेसका उम्मेदवारले अग्रता लिएका छन् ।