पूर्वखोला १, २ र ३ मा एमाले विजयी

प्रकाशित मिति : असार १६, २०७४ शुक्रबार

रामपुर (पाल्पा), १६ असार । पूर्वखोला गाउँपालिका–१, २ र ३ मा नेकपा (एमाले)को समूह नै विजयी भएको छ ।

वडा नं १ मा भोगबहादुर थापा मगर एक हजार २१४ मत ल्याएर विजयी हुनुभएको हो । उहाँका निकटतम प्रतिस्पर्धी नेपाली काँग्रेसका युद्धबहादुर वीरकट्टाले ५७८ मत ल्याउनुभएको छ । वडा नं २ मा निलबहादुर सारु एक हजार २१३ मत ल्याएर विजयी हुनुभएको छ । उहाँका निकटतम प्रतिस्पर्धी काँग्रेसका इच्छाबहादुर वीरकट्टाले ५७८ मत ल्याउनुभएको छ ।

त्यस्तै वडा नं ३ मा एमालेकै नीलबहादुर भट्टराई ८३० मत ल्याई विजयी हुनुभएको छ । उहाँका निकटतम प्रतिस्पर्धी काँग्रेसका किशोर पङ्गेनीले २३९ मत पाउनुभएको छ ।

निस्दी–२ र ६ मा एमाले
निस्दी गाउँपालिका–२ र ६ मा एमालेका समूह नै विजयी भएका छन् । वडा नंं २ मा एमालेका पूर्णबहादुर बाकाबलले ७४० मत ल्याउनुभएको छ । उहाँका निकटतम प्रतिस्पर्धी नेकपा(माओवादी केन्द्र)का टेकबहादुर चुहानले ९८ मत ल्याउनुभएको छ । त्यस्तै वडा नं ६ मा एमालेकै मेखबहादुर सुनारी ७९६ मत ल्याई विजयी भएको निर्वाचन अधिकृत कृष्णप्रसाद शर्माले जानकारी दिनुभयो । उहाँका निकटतम प्रतिस्पर्धी माओवादी केन्द्रका यमबहादुर सार्कीले १३८ मत पाउनुभएको छ ।

माथागढीका पाँच वडामा काँग्रेस
माथागढी गाउँपालिकाका पाँच वटा वडामा काँग्रेसका समूहहरु नै विजयी भएका छन् । वडा नं १ मा काँग्रेसका शिवप्रसाद शर्मा ९५१ मत ल्याई विजयी हुनुभएको छ । उहाँका निकटतम प्रतिस्पर्धी एमालेका पूर्णबहादुर सारुले ६४० मत ल्याउनुभएको छ । वडा नं २ मा कांँग्रेसकै जनक रिजालसहितको समूह विजयी भएको छ । रिजेलले ५१२ र उहाँका निकटतम प्रतिस्पर्धी एमालेका तुल्सीराम भुसालले ४०३ मत पाउनुभएको छ ।

वडा नं ६ मा काँंग्रेसकै रनबहादुर खाम्चा राना ७८५ मत ल्याई विजयी हुनुभएको छ । उहाँका निकटतम प्रतिस्पर्धी एमालेका यमबहादुर गाहाले ३१९ मत ल्याउनुभएको छ । वडा नं ७ मा कांँग्रेसकै जङ्गबहादुर थापा ५५२ मत ल्याई विजयी हुनुभएको छ । उहाँका निकटतम प्रतिस्पर्धी एमालेका लोकबहादुर ढेंगाले ३४४ मत पाउनुभएको छ ।

माथागढीकै वडा नं ८ मा कांँग्रेसका डिलबहादुर ढेगा मगर ३८२ मत ल्याई विजयी हुनुभएको छ । उहाँका प्रतिद्वन्द्वी एमालेका गुनुमाया मश्राङ्गीले २३५ मत पाउनुभएको छ । रासस

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com