रुपन्देही, बाँके र रोल्पा जिल्लामा मतगणना सुरु

प्रकाशित मिति : असार १५, २०७४ बिहीबार

बुटवल, १५ असार । स्थानीय तह निर्वाचनको बुधबार भएको मतदानको आज बिहानैदेखि रुपन्देहीका सबै तहमा गणना सुरु भएका छन् ।

मतदान सकिएर मतपेटिका गणनास्थलमा सङ्कलन हुन बुधबार केही ढिलो भएका कारण सर्वदलीय सहमतिमा आज बिहानदेखि गणना सुरु गरिएको हो । जिल्लाका सिद्धार्थनगर नगरपालिका, देवदह नगरपालिकालगायत केही गाउँपालिकामा भने रातिदेखि नै मतगणना सुरु भएको जिल्ला निर्वाचन कार्यालय रुपन्देहीका प्रमुख हुमनाथ गौतमले जानकारी दिनुभयो ।

जिल्लाका बुटवल उपमहानगरपालिकालगायत अधिकांश स्थानीय तहमा आज बिहानदेखि मात्र गणना सुरु भएको उहाँले जानकारी दिनुभयो ।

रुपन्देहीका एक उपमहानगरपालिका, पाँच नगरपालिका र १० गाउँपालिकामध्ये बुधबार १५ वटा तहमा निर्वाचन भएको थियो । जिल्लाको कोटहीमाई गाउँपालिका–१ मा माओवादी केन्द्रका उम्मेदवारको केही दिनअघि मृत्यु भएपछि सो वडामा बुधबार मतदान स्थगित भएको छ । स्थगित निर्वाचनको मतदान भोलि शुक्रबार हुने निर्वाचन कार्यालयले जनाएको छ ।

लुम्बिनी ः रुपन्देहीको सिद्धार्थनगर नगरपालिका र सम्मईमाई गाउँपालिकामा मतगणना कार्य सुरु भएको छ । सिद्धार्थनगर नगरपालिकामा गए राति १ बजेबाट मतगणना प्रक्रिया सुरु भएको थियो ।

त्यस्तै, रुपन्देहीकै सम्मईमाई गाउँपालिकामा पनि मतगणना जारी छ । राति ११ः३० बजेदेखि सुरु भएको थियो । सम्मइमाई गाउँपालिकामा अहिलेसम्म ९०० मत गणना भइसकेको निर्वाचन अधिकृत कमल पन्थीले जानकारी दिनुभयो ।

उहाँका अनुसार ९०० मत गन्दा नेकाले ३५२ सहित अग्रता लिएको छ । सिद्धार्थनगरमा पनि नेका अगाडि रहेको छ ।

खजुरा ९बाँके० ः बाँके जिल्लाको डुडुवा गाउँपालिका–१ को मतगणना अहिले भइरहेको छ । पछिल्लो ११५ को मतपरिणामअनुसार सङ्घीय समाजवादी फोरमले ४३, नेकाले ३३, नेकपा ९माओवादी केन्द्र० तीन, नेकपा ९एमाले० एक र राप्रपाले दुई मत ल्याएको छ ।

डुडुवा गाउँपालिकामा गएराति २ बजेदेखि मतगणना सुरु भएको छ । जिल्लाका नेपालगन्ज उपमहानगरापलिका, कोहलपुर नगरपालिका, राप्ती सोनारी, जानकी, बैजनाथ, खजुरा, नरैनापुर गाउँपालिकामा सर्वदलीय बैठक बसेर मतगणना सुरु हुने बाँकेका प्रमुख जिल्ला अधिकारी रविलाल पन्थले बताउनुभयो ।

रोल्पामा मतगणना सुरु

यसैबीच, रोल्पाका दश स्थानीय तहमध्ये हाल तीन स्थानीय तहको मतगणना सुरु गरिएको छ । जिल्लाका सुवर्णावती गाउँपालिका, सुकीदह गाउँपालिका र माडी गाउँपालिकाको मतगणना राति १ बजेदेखि सुरु गरिएको छ ।

मतगणना गरिएका तीन स्थानीय तहमध्ये दुई स्थानमा नेपाली काँग्रेसले अग्रता लिएको छ भने एक स्थानमा नेकपा ९माओवादी केन्द्र० अगाडि देखिएको छ । नेकाले सुकीदह र सुवर्णावती गाउँपालिकामा अग्रता लिएको छ भने नेकपा ९माओवादी केन्द्र० माडी गाउँपालिकामा अगाडि रहेको छ । मतगणना हुन बाँकी सबै स्थानीय तहको मतगणनाका लागि सर्वदलीय बैठक भइरहेको सम्बन्धित गाउँपालिकाका निर्वाचन अधिकृतले जानकारी दिएका छन् ।

जिल्लामा ६९।१४ प्रतिशत मत खसेको थियो । जिल्लाको चर्चित थवाङ गाउँपालिकामा पनि तीनहजार ६८२ मत खसेको छ । सो गाउँपालिकामा पाँच हजार ८५३ मतदाता रहेका थिए ।

बाँकेमा मतगणना

यसैगरी, बाँकेमा मतगणना कार्य सुरु भएको छ । जिल्लाको दुरुवा गाउँपालिकामा आज बिहान २ बजेदेखि मतगणना कार्य सुरु भएको हो भने अन्य सातवटा स्थानीय तहमा बिहान ५ बजेदेखि मतगणना सुरु हुने भनिएपनि अहिलेसम्म सर्वपक्षीय बैठक बसिरहेको छ ।

नेपालगन्ज उपमहानगरपालिकामा रहेका २३ वटा वडाको मतगणना नेपालगन्जस्थित भेरी प्राविधिक शिक्षालयमा हुने भएको छ । कोहलपुर नगरपालिकाको मतगणना १३ वटा वडाको पिपिरीस्थित कृषि विकास बैंकको तािलम केन्द्रमा हुने भएको छ ।

खजुरा गाउँपालिका र जानकारी गाउँपालिकाको मतगणना खजुरामा हुने भएको छ । राप्ती सोनारी गाउँपालिकाको मतगणना कचनापुरमा हुने भएको छ ।

नरैनापुर गाउँपालिकाको मतगणना नरैनापुरमै हुने भएको छ । सुरक्षा व्यवस्था कडा पारिएको जिल्ला प्रहरी कार्यालयले बाँकेले जनाएको छ । रासस

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com