राजदूत भोट माग्दै हिंडेकामा ओलीको आपत्ति
प्रकाशित मिति : असार १२, २०७४ सोमबार
असार १२, २०७४- एमाले अध्यक्ष केपी शर्मा ओलीले भारतका लागि नेपाली राजदूत दीपकुमार उपाध्यायले कांग्रेसका लागि भोट माग्दै हिंडेकोमा आपत्ति जनाएका छन् ।
उपाध्याय गृहजिल्ला कपिलवस्तुमा कांग्रेसको चुनावी कार्यक्रममा सहभागी भएको भन्दै ओलीले पदीय मर्यादा ख्याल गर्न आग्रह गरे । ‘राजदूतले भोट माग्नेभन्दा अन्तर्राष्ट्रिय सम्बन्ध सुधार्न लागे हुन्थ्यो,’ पार्टी कार्यालयमा सोमबार भएको पत्रकार सम्मेलनमा उनले भने, ‘कार्यकर्ता हुन मन भए किन नियुक्ति लिनुपर्यो ?’
ओलीले उपाध्यायको नाम नलिई पदको सम्मान, जिम्मेवारी, पारिश्रमिक सुविधाकोसमेत ख्याल गर्न आग्रह गरे ।