Follow @khasokhasmag

महाधिवेशन आयोजक समिति सदस्यसहित चारजना माओवादीबाट निस्कासित


प्रकाशित मिति : असार ६, २०७४ मंगलबार

असार ६, २०७४

नेकपा माओवादी केन्द्रले राष्ट्रिय महाधिवेशन आयोजक समिति सदस्यसहित चार जनालाई पार्टीबाट निस्कासन गरेको छ ।

स्थानीय तहको निर्वाचनमा पार्टी निर्णयविपरीत गएर गतिविधि गरेको भन्दै माओवादी केन्द्रले राष्ट्रिय महाधिवेशन आयोजक समिति सदस्य हर्कबहादुर कामी, केन्द्रीय सल्लाहकार लक्ष्मीप्रसाद पुन, जिल्ला सदस्य भरत पुन र जिल्ला सल्लाहकार मनिराम पुनलाई साधारण सदस्य समेत नरहने गरी कारबाही गरिएको माओवादी केन्द्रले जनाएको छ ।

जिल्ला अध्यक्ष गोपाल शर्माले व्यक्तिगत स्वार्थपूर्तिको लागि पार्टीको निर्णयविपरीत गएकाहरुलाई कारबाही गरेको जानकारी विज्ञप्तिमार्फत दिएका छन् । जनविरोधी शक्तिको उक्साहटमा लागेर स्थानीय तहको निर्वाचनमा पार्टीविरोधी गतिविधिमा लागेको आरोप विज्ञप्तिमा लगाइएको छ ।

स्थानीय तहको निर्वाचनमा हर्कबहादुर कामीले पुथाउत्तरगंगा गाउँपालिका–२, को अध्यक्षमा एमालेको तर्फबाट उम्मेदवारी दिएका छन् । सोही गाउँपालिका–१,को वडा सदस्यमा स्वतन्त्र प्यानलमा लक्ष्मीप्रसाद पुनले उम्मेदवारी दिएका छन् भने भरत पुनले सोही वडाको अध्यक्षमा स्वतन्त्र प्यानल बनाएरै उम्मेदवारी दिएका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com