धनुषामा राजपाका ४१ नेता तथा कार्यकर्ता पक्राउ

प्रकाशित मिति : असार ४, २०७४ आईतबार

असार ४, २०७४- राष्ट्रिय जनता पार्टी ,नेपालका ४१ नेता कार्यकर्तालाई जिल्ला प्रहरी कार्यालय धनुषाले आइतबार पक्राउ गरेको छ । प्रहरीको लाठी चार्जबाट आधा दर्जन राजपा कार्यकर्ता घाइते भएका छन् ।

राजपाको घोषित बन्द सफल बनाउन प्रदर्शन गर्दै गरेका राजपा नेता कार्यकर्ता तथा प्रहरीबीच जनकपुर उपमहानगरपालिका, जनकचौक तथा रामचौक वरिपरि पटक–पटक झडप भएको थियो । यस क्रममा प्रहरीको लाठी चार्जबाट आधा दर्जन प्रदर्शनकारी घाइते भएका थिए ।

प्रहरीको लाठी चार्जबाट राष्ट्रिय जनता पार्टी धनुषा अध्यक्ष मण्डलका संयोजक परमेश्वर साह, अध्यक्ष मण्डलका सदस्य संजयकुमार सिंह महिला नेतृ पूनम झा, रीता झा, कुन्ती पाठक, सीता चौधरीलगायत घाइते भएका छन् । टाउकोमा चोट लागेका घाइतेहरुको उपचार जनकपुर अंचल अस्पतालमा भइरहेको छ ।

प्रहरीले राजपा अध्यक्ष मण्डलका संयोजक परमेश्वर साह, अध्यक्ष मण्डलका सदस्य संजय सिंह, प्रमोद यादव, पूर्व राज्य मन्त्री सरिता साह, केन्द्रिय प्रवक्ता लालकिशोर साह, केन्द्रिय सचिव रितेश कुमार सिंह, सांसद दीनेश साह, सरिता शर्मा, चन्दा ठाकुर, रेणु झालगायत ४१ जनालाई नियन्त्रणमा लिएको छ ।

प्रदर्शनकारीहरुले जनकपुर उपमहानगरपालिकाको जीप तथा साइनबोर्डमा तोडफोड गर्न खोज्दा दोहरो भिडन्त भएको थियो । प्रदर्शनकारीले सुरक्षाकर्मीलाई लक्षित गरी ढुंगामुढा गरेका थिए भन्ने प्रहरीले भिडलाई तितरवितर गर्न लाठी चार्ज गरेको थियो ।

प्रदर्शनकारीको ढुंगामुढाबाट जनकपुर उपमहानगरपालिकाको जीपको अगाडिको सिसा फुट्नुका साथै प्रहरी सवार भ्यानमा समेत क्षति भएको धनुषाका एसपी लालमणि आचार्यले जानकारी दिए । प्रदर्शनकारीको ढुंगामुढाबाट दुई प्रहरी समेत घाइते भएको एसपी आचार्यले बताए ।

Source : Ekantipur

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com