Follow @khasokhasmag

नेपाल आदिवासी जनजाति महासंघ अमेरिकामा ११ सल्लाहकार, कार्यसमितिमा ४३% महिला


प्रकाशित मिति : माघ १०, २०७८ सोमबार

नेपाल आदिवासी जनजाति महासंघ, अमेरिका (फिप्ना) को नवनिर्वाचित कार्यसमितिले पूर्णता पाएको छ भने ११ सदस्सीय सल्लाहकार समिति गठन गरिएको छ ।

अठार जनजाति सामाजिक संघसंस्थाहरूको प्रतिनिधित्व गर्ने नेपाल आदिवासी जनजाति महासंघ अमेरिका ९फिप्ना० को आठौं राष्ट्रिय महाधिवेशनबाट अध्यक्षमा राजकुमार विष्ट निर्वाचित भएका थिए भने महासंघकै ईतिहासमा सबैभन्दा बढी ४३ प्रतिशत महिला निर्वाचित भएका थिए ।

२०२१-२३ कार्यकालको लागि फिप्नाको विधान २००५ भाग ५ धारा २८ बमोजिम सल्लाहकार पदमा मनोनितहरुमा प्राध्यापक, लेखक महेन्द्र लावती लिम्बु, कानुनविद् रमेश कुमार श्रेष्ठ, व्यवसायी ग्याल्जेन नुरु शेर्पा, एनआरएन अभियन्ताहरु नविन शेरचन, बाबुराम लामा, फिप्नाका निवर्तमान अध्यक्ष लोक बहादुर लिम्बू, संचारकर्मी प्रदिप परियार थापा, सामाजिक कार्यकर्ताहरु छिरिङ राप्के लामा, पदम गुरुङ, निर्मल प्रधान र लिला राई रहेका छन् ।

पूर्णता दिईएको कार्य समितिमा अध्यक्ष राज कुमार बिष्ट, उपाध्यक्ष मिग्मर शेर्पा, महिला उपाध्यक्ष छोन्जोम लामा, क्षेत्रिय उपाध्यक्ष माया लामा ह्योल्मो, महासचिव टोमा लामा, कोषाध्यक्ष तुल बहादुर तामाङ, सह कोषाध्यक्ष दिपक चौधरी, सचिवहरु चम्पा कुमारी तामाङ, सुबास राई र सदस्यहरुमा मुक्ति वानत्वा राई, रुकु राना मगर, प्रकाश कुमार सुनुवार, ईन्द्र कुमारी गुरुङ र राम कृष्ण महर्जन रहेका छन् ।

संघीय परिषद्मा सुवर्ण शाक्य र गोमा योञ्जन रहेका छन् ।

फिप्नाका नव निर्वाचित अध्यक्ष राजकुमार विष्टले अब महासंघलाई सबै संघसंस्थाहरूसंग समन्वय र सहकार्य गरी नेपाली समुदायको नेतृत्वदायी र प्रभावशाली महासंघको रूपमा स्थापित गर्न लागि पर्ने बताएका छन् । अमेरिकामा रहेका नेपाली आदिवासी जनजातिहरूको सँस्कृतिहरूको संरक्षण, सम्वर्धन र मौलिक पहिचानको निम्ति महासंघबाट सरकारी र गैरसरकारी निकायहरूसंग सहकार्य गरेर अघि बढ्ने उनले बताए ।

फिप्नाको नयाँ कार्य समितिमा १६ मध्ये ७ जना अर्थात ४३ प्रतिसत महिलाहरू निर्वाचित भएका हुन् । फिप्नामा महिलाहरूको यो उपस्थिति उदाहरणीय बनेकोछ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com