सर्वोच्चद्वारा चार वर्षपछि पार्वतीको रिट खारेज


प्रकाशित मिति : जेष्ठ ३०, २०७४ मंगलबार

वरिष्ठताका आधारमा नेपाल प्रहरीको महानिरीक्षक (आईजीपी) हुन पाउनुपर्ने मागसहित तत्कालीन एआईजी पार्वती थापामगरले दायर गरेको रिट निवेदन प्रयोजनहीन भएको भन्दै चार वर्षपछि सोमबार सर्वोच्च अदालतबाट खारेज भएको छ । मन्त्रिपरिषद्को निर्णयअनुरूप आफूभन्दा कनिष्ठ उपेन्द्रकान्त अर्याललाई आईजीपी बनाइएको दाबीसहित थापाले ०७० साल कात्तिक २६ गते सर्वोच्चमा रिट दायर गरेकी थिइन्। अर्याल भने आईजीपी भइवरी अवकाश भइसकेका छन्।

यता, अर्यालको अवकाशपछि सरकारले जयबहादुर चन्दलाई आईजीपी बनाउने निर्णय गरेपछि डीआईजी नवराज सिलवालद्वारा दायर रिटमा भने पूर्वप्रधानन्यायाधीश सुशीला कार्कीको विशेष सक्रियतामा डेढ महिनामै फैसला भएको थियो । पार्वतीको मुद्दामा चाहिँ बल्ल फैसला भएको छ ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com