राजपालाई फकाउँदै सरकार, आज पनि मनाउन सकेन


प्रकाशित मिति : जेष्ठ २८, २०७४ आईतबार

काठमाडौं २८ जेठ । सरकारले राष्ट्रिय जनता पार्टीलाई चुनावमा ल्याउनको लागि मनाउने प्रयास गरिरहेको छ ।
आज विहान भएको सरकार र राजपका शीर्ष नेताहरुबीचको छलफल पनि विना निस्कर्ष सकिएको छ ।

प्रधानमन्त्री कार्यालय सिंहदरबारमा भएको वार्तामा सत्तारुढ कांग्रेस, माओवादी, नेपाल लोकतान्त्रिकका साथै राजपाका शीर्ष नेताहरु सहभागी थिए ।

राजपाले आफ्नो माग कायमै राखेका छन् भने सरकारपक्षले उक्त मागलाई पुरा गर्न नसकिने बताउँदै आएको छ ।

राजपाले संविधान संशोधन, जनसंख्याका आधारमा स्थानीय तहको संख्या बृद्धि लगायतका राजनीतिक माग पुरा नभए चुनावमा नजाने बताएको छ ।

सरकार र सत्तारुढ दलहरुले भने संविधान संशोधन चुनावपछि गर्ने भन्दै निर्वाचनमा सहभागी हुन आह्वान गर्दै आएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com