कतारमा नाकाबन्दी- कतारको बजारमा टर्कीको दूध-दही

प्रकाशित मिति : जेष्ठ २७, २०७४ शनिबार

जेष्ठ २७, २०७४- कतारले टर्कीबाट बजारमा माग अनुसार दूध, मोही र दही आपुर्ति गरेको छ । साउदी अरवमा पूर्ण निर्भर दूध-दहीको बजार टर्कीबाट पुरा गरेको हो ।

साउदी अरवले गत सोमबार बिहानदेखि कतारसँगको कुटनीतिक सम्बन्ध विच्छेदसँगै सीमा नाका बन्द गरेको थियो । ‘सबैभन्दा पहिलो चिन्ता नै दूध-दही कसरी पाइन्छ भन्ने चिन्ता थियो । यो एकदिन पनि अभाव हुन पाएन,’ झापाका माहुमद कार्कीले फोनमा भने,‘पहिले भन्दा झन सस्तोमा दूध किन्न पाएका छौं ।’

बजारमा यी दूध प्रतिलिटर ५ रियालमा पाउने ब्यवस्था मिलाएको छ । सुपरमार्केटमा कार्यरत नेपाली कामदारहरुका अनुसार बजारमा  दूधको कुनै अभाव हुन दिइएको छैन । ‘वजारमा नयाँ नयाँ ब्रान्डका खाद्यान्यहरु आउन थालेको छ,’ फ्यामेली फुड सेन्टरको म्यानेजर पदमा कार्यरत एक नेपालीलाई कान्तिपुरलाई भने,‘यी दूधहरु गुणस्तर छन् । ग्राहकले चाहे जति हामीले बिक्री गरिरहेका छौं ।’

दूधसँगै चिकेन, अण्डा, माछा र हरियोसाग सब्जीको आपुर्ति बढाइरहेको उनको अनुभव छ । ‘बजारमा प्रशस्त अन्डा आइरहेको छ । खाद्यान्यको सामान पनि उपलब्ध छ । खाद्यान्य संकटमा हुन नदिन हाम्रो कम्पनी पनि सचेत छ,’ उनले भने,‘हाम्रो व्यवस्थापक टिम उत्साहित भएर काम गरिरहेका छौं ।’

कतार सरकारले निकै गम्भिर ढंगले लागेको आफुले महसुस गरेको उनले वताए । ‘हामीले माछाहरु ओमनवाट पनि ल्याउन थालिसकेका छौ,’ उनले भने,‘यहाँ आउने धेरै नेपाली कामदार चाहिने खाद्यान्य सहज रुपमा पाउदा खुसी भएर फर्केका छन् ।’

हरियो सागसब्जीको पनि अभाव हुन दिइएको छैन । ‘बिहानै सब्जी मार्केटमा गएको थिएँ । पहिला जस्तो चहलपहल थियो । अहिलेपनि त्यस्तै छ,’ चितवनका दिपक भेटवालले भने,‘ताजा सागपात, आलु, टमाटारहरु प्रसस्त देखियो ।’

कतारमा चार लाख नेपाली सहित २६ लाख जनसंख्या छ । अरव समन्वय समितिका सदस्य राष्ट्र साउदी, बहराइन र युएईले लगाएको नाकाबन्दीवाट आत्तिनु हाल्नु नपर्ने नेपाली अगुवाहरुको अनुभव छ ।

‘शुरुमा जति आत्तिएको थियौ । त्यसपछिको जीवन सामान्य छ । अहिलेसम्म केही प्रभाव देखिएको छैन,’ कतारमा रहेको जिल्लास्तर सामाजीक संस्था समन्वय समितिका संयोजक सुर्दशन भट्टले भने,‘म आफै सबै मार्केटमा मार्केटिङ गर्न पुगेको छु । कतै अभाव भएको देखेको छैन । सबै नेपालीले खाद्यान्य पाइन्छ भन्ने आशा रहेकोले चिन्ताहरु हट्दै गइरहेको छ ।’
Source : Ekantipur

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com